美國總統奧巴馬妻子米歇爾曾穿着 MARC JACOBS彩間連身裙，據悉在專門店售價約 6,000港元。 資料圖片
文章評語結果：
2011年08月02日
- 犯聞訊嚎哭 夫跪地撼頭 癌婦失血亡 裁定死於不幸 夫怒指裁判官偏幫醫院 譚香文案控辯同上訴 陳松青求暫緩還古董 大狀入稟爭農地業權 涉強姦男子稱獲同意 士多啤梨痣主攻嬰兒 成人降血壓藥可治 葡萄酒色斑 需激光治療 四合一醫治末期結直腸癌 乳房造影難防治乳癌 夏日出疹或因光敏感 戊肝上腦致扮剪牌貨專呃 OL
冒牌時裝氾濫中環【本報訊】名店林立的中環，近年被不少聲稱出售「名牌剪牌衫」的蠱惑時裝店入侵，專呃 OL。本報記者追查發現，這些所謂「剪牌衫」，其實只是購自深圳的冒牌貨，其中一款美國總統奧巴馬妻子米歇爾穿過的 MARC JACOBS間條連身裙，正貨售約 6,000元，深圳冒牌貨售約 157元，當成剪牌貨在中環出售，竟開價 599元，擺明搵老襯！
記者：廖韻思、區杏芝、張軍老翻時裝店 攻陷中環呃 OL
冒牌扮剪牌過往亦曾出現，海關曾在中環及銅鑼灣搗破涉嫌售賣偽冒名牌的時裝店，但經濟能力有限的 OL一族對名牌趨之若鶩，令這類時裝店越開越多，中環是其中一個集中地。
記者早前到過伊利近街、砵甸乍街和威靈頓街一帶，發現不少時裝店以剪牌衫招徠，部份售價逾千元。不過店員均相當醒目，每當客人查問是否真貨，她們大多含糊其詞：「啲貨返嚟已經剪咗牌，都係啲 code亂咗，先至喺廠漏一、兩件出嚟。啲款好新，仲快過專門店。」
其中威靈頓街一間樓上舖，店內約八成衣服牌子均被剪掉，但部份「剪唔晒」，隱約可見牌子，有些甚至完全沒剪牌，出售的「牌子」包括 MARC JACOBS、 CÉ LINE、 Chloé、 PRADA及 D&G等。女店員說：「呢啲係次貨，件件都係得一件 o架咋，價錢仲係正價約一成，好抵買！」聲稱楊怡洪欣有幫襯
記者拿起一條剪牌彩色連身長裙查看，店員稱：「呢條係 MARC JACOBS春夏季最新款。」隨即指向一個相架說：「 Model都着住，專門店買成 6,000蚊，我哋賣緊 599，仲有八折。」其後她向記者推介一條無剪牌的 CÉ LINE橙紅色背心連身裙，「呢條專門店賣成 9,000蚊呀！」另一個相架中，則是美國總統奧巴馬妻子米歇爾穿着同款連身裙的相片。
言談間店員透露很多在附近工作的 OL都是她們的熟客，甚至有女明星幫襯：「楊怡同洪欣都係我哋嘅客，仲有 JJ（賈曉晨）……其實你見到好多明星着嗰啲都係呢啲嚟。」另一間標榜歐洲名牌特賣場的地舖，幾乎全賣「剪牌衫」，每件售價約 800元。女店員打出明星牌：「楊怡早排喺附近拍劇都入嚟買咗一件！」該店在同區還有分店，可見「剪牌衫」大有市場。記者日前向各上述女星查問，洪欣及賈曉晨均否認曾幫襯這類店舖，楊怡則沒有回覆。
時裝店員強調「只此一件」的剪牌衫，記者發現在深圳世紀廣場時裝批發中心賣到成行成市，單是廣場地下便有約 100間冒牌衫店舖。記者隨意走進一間，輕易找到多件跟中環時裝店買到的相同款式，其中 MARC JACOBS彩色連身長裙批發價 130元人民幣（約 157港元），零售價 180元人民幣（約 218港元），質料及手工與中環剪牌貨只有些微差別。店員承認去深圳攞貨
中環的剪牌衫店舖吸引不少 OL光顧，圖中店員為一名女顧客試身。
記者拿出一件在中環以 790元買得的 BURBERRY剪牌外套，店員一看便直指：「呢件直頭喺我哋度攞，得我哋一間有！」隨即拿出一件讓記者比對，果然一模一樣，批發價只需 190元人民幣。售貨員透露有不少香港時裝店前來入貨：「中環、荃灣、元朗那邊都有。」
記者之後以顧客身份再到威靈頓街樓上舖向女店員質問衣服真偽，起初她仍死撐：「係次貨嚟 o架，真係得一件咋！」記者表示曾向專門店店員查問，得知不可能有次貨流出市面，她即改口：「有啲係水貨，喺外國入口，專門店都未必有。」她又說，同區亦有不少時裝店出售類似衣服：「啲客都係鍾意個款至買，佢哋畀得呢個價錢都預咗。」
記者隨即表露身份，還拿出在深圳購得兩條跟她店內出售、幾乎完全一樣的裙，她見狀即一臉茫然：「可能係 copy個款，老闆有時都會去深圳攞貨……我打工 o架咋。」對於此做法有誤導消費者及侵權之嫌，記者要求找老闆解釋，她即眼紅紅說：「可能係假……我哋有啲衫連牌都冇剪係唔啱，對唔住！」
根據法例，任何人士觸犯《版權條例》，最高刑罰為監禁四年，每件侵權物品罰款五萬元。少女有 say
Sylvia 22歲（右）
證券從業員
「件衫 details位好流，條拉鏈好啞色，靚嘅拉鏈通常都係 YKK，呢件衫唔值 790幾蚊」
林小姐 21歲
售貨員
「我以前都喺銅鑼灣做 sales，都賣過剪牌衫，其實呢啲係 copy，話得一件轉頭又會拎第二件出嚟，我自己一定唔會買」
