裸女畫透視內心 嘟嘟渴望有人錫
2010年12月03日 裸女畫透視內心 嘟嘟渴望有人錫
2010年12月03日
由鄭裕玲、汪明荃、林建明、鍾慧冰等娛圈阿姐組成的「至八會」，近年迷上學畫畫，其中幾位成員更膽粗粗將她們的五十多幅傑作，在本月 13日舉行首次公開畫展，公諸同好之餘，順道測試一下自己的市場價值。今次她們更自己揸主意開價求售，希望幅幅有價有市。
較引人注目及令人遐想的，相信是嘟嘟所畫的《裸女》，記者找來香港臨牀心理行為學家李寶能，在不知作者是誰的情況下，他指出嘟嘟畫作中流露極希望坦蕩蕩，毋須任何遮掩地面對世界，亦渴望能找到一個懂得欣賞自己，愛她疼她及給她幸福的男人，共同建立家庭及生兒育女。看來與呂方分手近兩年，嘟嘟亦希望快啲搵到另一半。
今次鄭裕玲所展出的七幅畫作中，有四幅是畫女人，都是沒有穿衣的。長髮《裸女》一圖中，主角更索性正面露出雙乳，雙眼坦然面向前方，既沒遮掩也沒任何羞怯表情。
據知這張《裸女》乃嘟嘟最新傑作，比起她之前只露出頸部以上的《漂亮女孩》，尺度又跨一大步。
嘟嘟對於《裸女》期望甚高，開價六萬八千元。她坦言：「畫裸女絕對係我第一次嘅大膽嘗試，突出之處係色彩強烈，係我破格之作。」
畫作價錢，是作者各自開價，為此大姐明就解釋：「我哋嘅畫畫老師謝炎安話，價錢應該根據三個標準而定，就係所花嘅時間、物料同心力，所以我哋亦會根據呢三個標準為自己嘅畫定價。」
放大圖片
《美女櫻桃》開價未定放大圖片
凡事做到最好的嘟嘟，坦言自己畫畫最想令人開心，所以選取顏色都色彩繽紛。鄭裕玲
嘟嘟初出道便做女主角，本身亦有學識，無論在電影、電視、主持及司儀樣樣出色，但偏偏感情路上並不順利，無論與甘國亮和呂方拍拖，都失敗告終。
臨牀心理學家李寶能分析：「佢個人好單純，唔鍾意複雜，忠奸分明，個性率直，孤芳自賞。佢好想坦蕩蕩咁交朋友，又驚俾人傷害，覺得自己好正，好值得人愛，偏偏未搵到，但又唔想降低自己要求去適應世界，惟有死等，等個真係識得愛錫同欣賞佢嘅人。」
名畫家阿虫分析畫功：「佢畫嘅女人就係心目中嘅自己，對於着色，佢處理得幾好。」
放大圖片
臨牀心理學家李寶能放大圖片
名畫家阿虫放大圖片
08年，嘟嘟與呂方突然宣布分手，雖然期間有傳男方欲復合，但最終都未能成事。林建明
人稱「大姐明」的林建明，因為她向來有嗰句講嗰句，圈中不少知心友。早年不幸患上抑鬱症， 04年成立「心晴行動慈善基金」，幫助受情緒困擾的人士，但近年有傳其抑鬱症復發。
李寶能：「佢做事好識走位，唔會傷害別人同關係，但個心就有啲怨念，唔係咁開心，唔肯坦然表達出嚟，所以做人都幾辛苦。」
阿虫：「佢好想表現自己嘅開心，尤其嗰張《林媽媽與小白的愛》，側邊隻狗仔亦代表佢，充分表現一時開心一時抑鬱嘅情緒。」
放大圖片
《林媽媽與小白的愛》$29,000放大圖片
《美麗的姑娘》$28,000「至八會」畫展資料
今次「至八會」成員首次舉行的畫展，所出售的親筆畫合共 52幅，並得到好友借出場地作為展覽會場，於 12月 13日起供志同道合人士觀賞，合眼緣的作品更可即場購買。
展期： 12月 13日起（暫定為期兩個月）
地點：尖沙嘴彩星中心 3樓展覽廳
時間： 11:00am至 8:00pm
付款方式：現金及信用卡 江欣燕出金朱慧珊最貴
五十二張畫中開價最貴的是朱慧珊的《四合院》（合共兩幅畫），開價三十八萬港元。最貴氣的則是江欣燕的《黃金女神》，事關她用泰國金箔逐張貼上去，單是買金箔已花了不少錢。「畫畫時失敗過好多次，貼上去甩出嚟，浪費咗好多錢，之後喺畫布上濕少少水至成功，原本我係想掛喺屋企做風水畫嘅！」江欣燕說。
江欣燕
江欣燕參加新秀大賽入行，最擅長扮鬼扮馬。與吳積遜結婚後，一直未有生小朋友，享受多姿多采生活， 06年更復出做《獎門人》主持和演處境劇。
李寶能：「佢好渴望自由自在同奔放，喺現實就被約束，但又驚一旦完全自由，自己又會出咗軌，所以又希望有人管得住自己，有小小連自己都唔知自己究竟想點咁。」為此江欣燕說：「我從來都冇同人講過自己呢種心態，但佢講得好啱！」
阿虫：「佢用金箔、指甲油同眉筆畫畫，係咁多幅畫中最特別。呢個畫家係好感性嘅人，佢畫時應該係突然有靈感，隨手拎起原料用得着就用，但出嚟效果唔錯。」
放大圖片
放大圖片
《黃金女神》開價未定朱慧珊
朱慧珊在亞視做過「一姐主持」，但相對事業她更重視感情，不過第一段婚姻不足一年便被傳因受騙而離婚收場，現在的她對於另一半及其婚姻生活更加低調。
李寶能：「佢嘅畫以工藝為主，呢個人自然就係個乖乖女，循規蹈矩，跟住社會大潮流行，唔想獨當一面，最好有人帶住佢行。呢種人如果係女人會係好老婆，入得廚房、出得廳堂嗰類。」
阿虫：「佢嘅畫係現代工藝畫，一般中國工藝畫不外花鳥蟲魚，但佢就加咗啲現代元素落去，配搭唔錯。」
放大圖片
放大圖片
《四合院》$380,000曾華倩
曾華倩是無綫 12期藝訓班出身，一開始便做主角，初出道做過兒童節目主持， 2002年更做 TVB年度兒童節大使。感情方面她道路崎嶇，入行初期與梁朝偉拍拖， 96年與林肇基結婚生子，但 6年後離婚收場，返無綫拍劇又與馬國明傳緋聞，惟此刻感情仍未有着落。
李寶能：「呢個人心境好年輕，佢仲好想永遠年輕，好似最純潔嘅小朋友，但現實佢已經係成年人，必須面對好多嘢，好似家庭同小朋友，所以喺畫入面表達渴望年輕同純潔嘅世界，呢種人最叻大事化小，化繁為簡。」
阿虫：「一睇佢嘅畫就有種好開心嘅感覺，好簡單同直接，佢想表達呢種感覺，其實都真係做得到。」
鍾慧冰
放大圖片
《謝謝你！》$18,00079年港姐季軍鍾慧冰，拍過電影，做過電台，也開過公關公司，組織家庭後以為一心相夫教子，但雷曼一役令她損失慘重，幾乎一鋪清袋。
李寶能：「呢個人好有人緣，因為佢對身邊嘅人冇殺傷力，仲好熱心幫人，但好多時好心做壞事，仲俾人誤會，往往傷害埋自己。」為此鍾慧冰說：「講得好啱，中晒喎，我成日好心做壞事，做咗仲反而俾人怨 o架！」
阿虫：「睇到佢好用心機，例如一點點砌成一幅畫，好多嘢想表達，音樂性好強，睇畫好似聽到音樂。」
没有评论:
发表评论