拍檔反面 開舖頂爛市 謝寧寸爆：唔知人哋用咩料？
2011年07月08日08年尾，前港姐冠軍謝寧與友人合夥在九龍城開設曲奇餅店，在金融海嘯中殺出新血路。及後她再下一城，在港島區開了兩間分店。不過，據知謝寧早前與拍檔 Joseph鬧不和，最終反面拆夥。
Joseph及後另起爐灶，在九龍城謝寧舊舖相隔兩條街再開餅店，由包裝到招牌貨蝴蝶酥都似足九成，但價錢卻比舊舖平，擺明追住謝寧嚟打。有傳謝寧面對衝擊，要連執兩間舖。難怪提起對手，謝寧毫不留情︰「我唔知人哋用咩料？會唔會食到我有事 o架！」火藥味濃﹗08年聖誕前，謝寧和三位友人投資七位數字，逆市創業，在舊區九龍城開設「曲奇四重奏」餅店，主打健康曲奇和蝴蝶酥。店舖開張不久已街知巷聞，曾出現未開舖已有人龍在店外等買餅的盛況，一度成為業界神話。豈料生意愈做愈大，拍檔間便開始意見不合。
據知，謝寧最先是跟任職推廣古典音樂的 Joseph計劃開舖，然後謝寧再引薦飲食專欄作家兼食物造型師 Shadow，及酒店著名糕餅大廚 Tony，最後四人合夥搞生意。不過，早前 Joseph却與三人鬧翻。
知情人士透露：「 Joseph同另外兩個股東根本唔熟，成日鬧意見，又覺得謝寧次次都企喺 Shadow同 Tony嗰邊唔幫佢。 Joseph覺得應該食住個勢，發大嚟搞，佢想喺十幾間高級超市設銷售點，亦聯絡好做晒市場調查，提議不停出新款曲奇。當初謝寧都同意，但 Tony一句話唔贊成，謝寧就反轉槍頭㩒住 Joseph，最終反面收場， Joseph最後獨自離巢。」
銅鑼灣舖將結業
在人流最旺的銅鑼灣，她的分店顧客唔多，反而旁邊袁彌明的乳酪店大排長龍。
跑馬地舖將結業
「曲」的跑馬地分店將於 8月結束營業，日前記者走訪該店，在營業時間空無一人，連售貨員亦不見影蹤。
九龍城舖保留
「曲奇四重奏」的九龍城店，在周日下午人客不斷，但以往逼爆舖和人龍就不復見。
謝寧的曲奇餅店帶挈她人氣急升，近日更為馬浚偉的節目《大廚出馬》擔任評判。
舊拍檔寸冇人氣
謝寧和舊拍檔 Joseph（右）因聽古典音樂認識，後來更夾份搞曲奇生意，可惜最後拆夥，連朋友都無得做。
一直強調曲奇餅店概念源於他的 Joseph，年前另起爐灶開了「曲奇薈」，選址在舊舖隔兩條街，擺明衝住謝寧而來。記者致電 Joseph，他不怕被指頂爛市，更指有幫襯開舊舖的客，現已轉為幫襯自己。「當日係我先發起搞呢盤生意，亦係我睇中九龍城呢區，證明策略係全對。依家最賣得嘅蝴蝶酥亦係我提議做嘅。」
被問到當日成功係咪因為謝寧的明星效應？他反應甚大︰「呢個絕對係意料之外，嗰時謝小姐已經無乜名氣，唔喺演藝圈。（點解會同謝寧反面？）唔……以前嘅事唔想再提，總之我間新舖開業以嚟不斷有新口味，每次都賣得好好。而人哋嗰間就冇新嘢，咁咪唔會守得住啲客兼唔會有新客囉！」據知被舊拍檔㩒住嚟打的謝寧，近日更被逼連執兩舖。認即將結業
近日擔任飲食節目《大廚出馬》評判的謝寧，表示舊拍檔踩入九龍城開舖，沒有對自己的生意造成影響，但承認跑馬地和銅鑼灣分店將於三個月後結束營業。她解釋話：「業主收番舖呀，所以都要搵舖。（搵到未？）未呀，你有冇提議？」
至於問到會否知己知彼，試食舊拍檔的曲奇，謝寧不留情面說：「我一定唔會，我自己做嗰啲曲奇，知道用咩材料，全部係健康無反式脂肪。我唔知人哋用咩料，點知會唔會食到我有事 o架！」謝寧「曲奇四重奏」
「曲奇薈」（右）推出的小包裝，無論外形、 size跟「曲奇四重奏」（左）勁相似，售價平成十蚊！
謝寧的曲奇店由 08年開業，至今只有雜錦曲奇和蝴蝶酥兩款主打，不過謝寧就話：「有新產品都要夾先得 o架！」
撐謝寧
食開謝寧曲奇的捧場客，大彈「曲奇薈」。對手「曲奇薈」
曲奇薈與謝寧餅舖只有兩條街之隔。
曲奇薈所賣的蝴蝶酥有約 8種口味，連埋曲奇、脆脆條、朱古力餅等近三十種產品，款式口味繁多。創業一年已賣出一百萬塊曲奇，人流比謝寧舖多兩成。
撐曲奇薈
有不少謝寧捧場客也過檔幫襯「曲奇薈」。
街坊回應
幫襯開謝寧店的顧客，試食過對手「曲奇薈」後，毀譽參半。
李先生：「謝寧賣得係貴咗啲，但好食，所以我幫襯佢。」
王小姐：「一樣咁鬆脆，會幫襯平啲嗰間。」
陳先生和鄭先生：「曲奇薈好食啲喎，無咁甜。」
没有评论:
发表评论