車廂熱辣辣 開門 5次降 6℃
2011年08月10日正值炎夏，無論多名貴的 Supercar，在熾熱陽光下鑽入車廂，迎面而至是熱騰騰的熱氣，簡直令人窒息，如果可短時間為車廂降溫，相信絕大部份人都願意一試！近期網上流傳一條極速降溫片段，不用任何道具，只需 10秒就可以令車廂降溫 8℃，係咪咁厲害？今次親身測試之餘，仲搵埋專家講吓呢個方法係咪 Work！
記者：趙慧敏
攝影：楊錦文
Model： Annie.G@GME車廂熱辣辣 開門 5次即降 6℃
騎呢降溫大鬥法
■大熱天時將車泊在戶外，鑽入車廂都係件苦事。
今日測試的開閂車門降溫法雖然簡單快速，不過人哋睇起嚟可能有啲笨，甚至以為你係儍，不過如果真係行得通，咪理人哋點睇，最緊要架車降到溫就最好。除了呢個方法，我哋都揀咗啲網上流傳的降溫法試一試，香港專上教育學院（柴灣）應用科學系講師莫偉權博士，仲會解構呢啲方法係咪行得通！
測試 1 開閂車門
■連續開閂司機位車門 5次，就可將車廂內熱空氣逼出。
上車前先打開前座乘客位的車門玻璃窗，但記得閂埋車門，然後將司機位的車門（玻璃窗關上），連續開閂 5次。測試當日，將軍澳區溫度攝氏 35度，不過架車經過數小時暴曬，車廂內溫度高達攝氏 44.2度，我們將溫度計放入車廂內，跟足方法照做，連開 5次車門後，即時檢查溫度計，發現溫度降至攝氏 37.8度。再來真人測試，發現車廂悶熱感亦稍覺減輕。
■拍門前車廂溫度達攝氏 44.2度。
■測試後溫度降至攝氏 37.8度。
莫博士意見：方法可行！因為高溫下令車廂充斥熱空氣，開門的作用是利用壓力將車廂內的熱空氣逼走，不過唔係硬性規定拍 5次，原則上車門開得越多會帶來越大壓力，車廂內越多熱氣被逼走；不過如果開車門太多，隨時車廂未降溫，已經令自己冒出一身臭汗！
方便度：
工具：
成功率：
測試 2 噴灑稀釋酒精
■用稀釋酒精噴向車廂可帶走熱氣。
以清水稀釋酒精噴灑車廂，令熱氣隨水氣帶走。實際測試後，灑水前後溫度相若；不過親身進入車廂，有少許凉快感覺。
■用清水稀釋酒精可降溫。
莫博士意見：此方法最科學化，因為酒精混和清水後噴向車廂，熱空氣連液體狀的稀釋酒精，轉變為氣體將熱氣帶走，原則上用水噴向車廂都可以有同樣效果，但酒精可自行揮發，而水會弄濕車廂造成水迹。不過莫博士提醒車主，千祈唔好將酒精長時間放在車廂，因酒精在密封環境洩漏，遇上火種可能造成危險！
方便度：
工具：酒精、清水、噴水壺
成功率：測試 3 放入冷凍劑
將冰塊或冷凍劑放在車廂，產生的冷空氣令車廂降溫。記者以兩塊雪至冰凍的冷凍劑放入冰桶測試，發現一段時間後車廂依然侷促。
專家意見：僅以兩塊冷凍劑的冰冷效果不足以令車廂降溫，最有效是用效果較持久的乾冰；不過要小心乾冰揮發時會產生二氧化碳，在密封的車廂內，可能導致二氧化碳中毒，所以不建議使用，或者以水製的冰塊代替。
方便度：
工具：冰桶、冰塊
成功率：同場測試 車冚煎蛋
成日聽人講架車熱到可以煎蛋，究竟係咪真係得？既然天氣熱到跳舞，就試吓得唔得先？
■接近 50℃的高溫頭冚，亦未能將雞蛋煎熟。
■熱到爆錶都未能將蛋煎熟。
記者在攝氏 35度的高溫下將架黑色車放在陽光下暴曬 3小時，車冚溫度接近攝氏 50度，連測試的溫度計亦爆錶，心諗隻蛋仲唔煎得熟！不過先後試了兩三次，雞蛋放上車冚，蛋白已迅速流走，未能凝固，究竟點解會失敗？
專家話要煎熟蛋至少要攝氏 60至 70度高溫，車冚一般不會達至此溫度，除非蛋放上平面的車冚上，由它被熱氣焗熟，成功機會會較高。原來要喺車身煎蛋，都唔係件易事。
没有评论:
发表评论