TVB提醒跳槽員工 反擊王維基
2011年10月04日【本報訊】城市電訊主席王維基出力挖走無綫台前幕後員工， TVB昨前所未有向員工發信，臚列六大點提醒跳槽同事「轉工簽約注意事項」，字裏行間暗踩王維基利用「蠱惑合約」誘騙員工，但王維基反駁指約百名由 TVB過檔的員工均滿意城電的合約條款，「至今冇人話有問題」。
TVB人事科昨日向 TVB各同事發出題為「轉職簽約前應注意事宜」的信件，劈頭便說「近日人事科接獲個別已簽約跳槽的同事求助」。信件提醒同事要了解新僱主是否有財力、有資產，或有實質業務運作的公司，又提醒員工一旦簽署死約，死約到期前離職便要向僱主賠償。信中又指有個案接觸 TVB人事科，才發現新僱主只要認為對僱主有利便可即時炒人，毋須支付代通知金。信件又提醒，新公司有否要求員工長期駐外工作，及涉及的開支由誰負責？梁乃鵬斥王博宣傳
對於無綫的行動，王維基表示不想回應。資料圖片
無綫職員協會主席劉順安指在無綫工作逾廿年，首次收到這類信件，認為公司是善意提醒同事。無綫外事部副總監曾醒明就事件回應說：「係因為有一名幕後同事，向公司尋求諮詢有關合約問題，公司覺得喺呢件事上有責任提醒同事注意個人權益。」無綫藝員馬浚偉說：「點都好，公司都係善意嘅，因為事件涉及法律同合約問題。」黎耀祥亦說：「藝員合約同一般員工合約唔同，應該要留意多啲事項，為自己攞個保障。」
無綫副行政主席梁乃鵬昨出席無綫亮燈儀式時說：「大家睇到好多王維基嘅報道，我亦睇穿佢，唔會上當，佢想博宣傳。我唔會高調回應佢事件。」他指現只有無綫、亞視是免費電視，王維基仍未獲得免費牌照：「如果有嘅話，未來就會變成汰弱留強局面，被淘汰嘅一定唔係 TVB」。
王維基回覆本報指，至今已和近百名 TVB的台前幕後員工簽約，「我哋安排人事部同事同律師，向員工講解合約細節，至今所有員工都滿意合約安排，冇人話有問題」。對於梁乃鵬批評博宣傳，他指：「我唔想回應，否則又俾人話我博宣傳。」
没有评论:
发表评论