美國放水焗升 - 左丁山
過億元六合彩頭獎，有兩注半中獎，中獎嘅當然唔係我地，又貢獻咗八十大元俾馬會做慈善，想發達，冇咁易嘅，創業或打工，都要靠腳踏實地苦幹一番，先至可能有所成，無端端發達嘅，只係極少數幸運兒。
投資搵番啲街外錢又如何？搵到些少，幫補正常收入，係幾唔錯嘅選項。銀行搞價值投資講座，左丁山走去參加，遇上一位不識講中文嘅澳洲華人，講英文完全無澳洲口音，問佢點樣練習口音？佢笑笑口話：「入鄉隨俗就得㗎嘞，說話與做人，總要適應環境，返到新加坡，就會講can la，去到泰國會講or-ri-an-told（文華東方酒店），如果你好似我咁一年周圍飛，由杜拜到雪尼，由永珍到東京，你都會適應到不同國家嘅不同口音。」呢位先生係投資總監，穿梭亞洲各大城市，出席投資講座，夠晒國際視野，呢次佢從新加坡飛來，住一晚酒店，次日中午演講後立即趕去機場搭飛機返新加坡，咁猴擒為乜？投資總監話：「星期日晚有F1新加坡大賽，高盛包咗居高臨下嘅好地方，睇夜晚大賽車，景觀一流，我點可能錯過。」當然不可錯過啦，大投資銀行請客，有一流美酒佳餚，周圍係投資界重要人物，唔係普通客戶可以出席㗎。
講番正經，投資總監話美日兩地實行量化寬鬆，美國更加無時限，每月四百億美元，一年四千八百億美元，即係每星期印銀紙九十二億，如此泵水法，加上利率不准上升至起碼2015年中，黃金、股票想跌都幾難，買美金就蝕息蝕通脹，對香港嚟講，港元利率匯率跟美國，通脹率跟中國（尤以食物為然），揸住港紙放在銀行就慘情啦，故此香港有錢人喜歡買樓收租，係不可阻擋之一回事。
有人問，樓價咁高，幾時會跌？確係幾難答，通脹高（3.7厘），按揭利率低（2.15厘），儲蓄存款利率接近零，未來三年不會加息，樓價點會跌呀，除非私人住宅供應量大升，或者沙士重臨（啋！）不過你知我知，淨係睇吓新界東北收地之難，就知道政府難以打破市民之「供應多極有限」之心理預期，咁就睇住樓價升到美國加息為止啦。
投資搵番啲街外錢又如何？搵到些少，幫補正常收入，係幾唔錯嘅選項。銀行搞價值投資講座，左丁山走去參加，遇上一位不識講中文嘅澳洲華人，講英文完全無澳洲口音，問佢點樣練習口音？佢笑笑口話：「入鄉隨俗就得㗎嘞，說話與做人，總要適應環境，返到新加坡，就會講can la，去到泰國會講or-ri-an-told（文華東方酒店），如果你好似我咁一年周圍飛，由杜拜到雪尼，由永珍到東京，你都會適應到不同國家嘅不同口音。」呢位先生係投資總監，穿梭亞洲各大城市，出席投資講座，夠晒國際視野，呢次佢從新加坡飛來，住一晚酒店，次日中午演講後立即趕去機場搭飛機返新加坡，咁猴擒為乜？投資總監話：「星期日晚有F1新加坡大賽，高盛包咗居高臨下嘅好地方，睇夜晚大賽車，景觀一流，我點可能錯過。」當然不可錯過啦，大投資銀行請客，有一流美酒佳餚，周圍係投資界重要人物，唔係普通客戶可以出席㗎。
講番正經，投資總監話美日兩地實行量化寬鬆，美國更加無時限，每月四百億美元，一年四千八百億美元，即係每星期印銀紙九十二億，如此泵水法，加上利率不准上升至起碼2015年中，黃金、股票想跌都幾難，買美金就蝕息蝕通脹，對香港嚟講，港元利率匯率跟美國，通脹率跟中國（尤以食物為然），揸住港紙放在銀行就慘情啦，故此香港有錢人喜歡買樓收租，係不可阻擋之一回事。
有人問，樓價咁高，幾時會跌？確係幾難答，通脹高（3.7厘），按揭利率低（2.15厘），儲蓄存款利率接近零，未來三年不會加息，樓價點會跌呀，除非私人住宅供應量大升，或者沙士重臨（啋！）不過你知我知，淨係睇吓新界東北收地之難，就知道政府難以打破市民之「供應多極有限」之心理預期，咁就睇住樓價升到美國加息為止啦。
发自我的 iPad
没有评论:
发表评论