隔牆有耳︰ 民記內訌 黑哨扯火 元秋笠水 - 20130515 - 蘋果日報

 

隔牆有耳︰　
民記內訌　黑哨扯火　元秋笠水

21,756

立法會黑哨主席曾鈺成噚日按劇本剪布，剪布之前，建制派諗住攞番個尾彩，群起舉手發言抽泛民水。但抽水都有高手低手分嘅，好似政壇元秋蔣麗芸咁，以為聲大就有貨賣，點知連黑哨都睇唔過眼，唔賣佢賬，先後幾次黑面指正元秋離題。元秋不甘受辱，反咬話自己個創黨主席蝦佢，最尾笠水收聲。

■元秋呢頭俾黑哨曾激親，轉頭有梁志祥議員做V字手勢番。
■聽完元秋離晒題嘅發言，坐到攰晒嘅麥美娟起身拉筋。

將2030年講成2003年

噚日拉布拉到去講街道清潔開支，元秋一嚟就牛頭唔搭馬嘴，想學人講全民退保，佢先將2030年講成2003年，之後仲越講越high，曾鈺成都忍唔住出手截佢，表明議員只能圍繞修訂發言，仲毫不客氣咁話「2003年係10年前呀，蔣小姐」。
爆嘅元秋心中有氣，駁嘴話：「雖然我哋係同黨，但你蝦得過就蝦，既然你咁蝦我，我都冇嘢講」。
被曾鈺成踩到上心口嘅元秋，心有不甘，佢趁住其他議員發言時再度發難，向黑哨曾投訴梁家傑等議員都離題，問主席係咪唔公平？曾鈺成開始按捺不住話：「請你容許我判斷。」意猶未盡嘅元秋篤完又篤，仲賴自己係新議員，終於激到黑哨曾發火，話「蔣麗芸議員你唔能夠坐喺個位上面講嘢，請你立即停止發言﹗」仲叫元秋虛心啲聽下其他議員講乜先，反正市民都會自行判斷。曾鈺成呢鋪真係動真火，元秋即時收口，唔敢再喺度指手劃腳。

隔牆有耳︰　 民記內訌　黑哨扯火　元秋笠水 - 20130515 - 蘋果日報

剪布理據被指站不住腳

【議員炮轟】
立法會主席曾鈺成再用立法會議事規則第92條剪布，並借早前法庭頒下有關剪布的判詞作為後盾，但多位民主派議員批評曾鈺成說法有問題，因有關判詞日後有可能被終審法院推翻，加上有關判決只是針對上次拉布，未必與今次拉布情況相同，質疑曾的理據是否站得住腳。

應待終審法院判決

法律界議員郭榮鏗指，雖然上訴庭的判決指，立法會主席有權主持會議，但這判決日後有可能被終審法院推翻，傳統上這類關乎憲制原則的重要裁決，應等待終院的最終判決才考慮。郭續指，他並不同意上訴庭的判決，認為立法會主席也受制於議事規則，而議事規則並無賦權主席去剪布，故曾鈺成不應再用92條剪布。
本身為律師的民主黨涂謹申也指，上訴庭所作的判決，是針對立法會審議替補機制時發生的拉布情況，而今次的拉布是針對預算案，兩者性質上並不完全相同，尤其是曾鈺成將所有修訂的辯論合併為一項，情況與審議替補機制有別，故此曾鈺成不應以法庭的判決作為法律理據，因為這容易受到質疑。
工黨何秀蘭也指曾鈺成只斟酌於判詞中，將立法會主席權力無限放大的部份，但她指出，確保議會運作暢順，也包括容讓少數派議員有言論空間，直斥曾這樣再度剪布，立下極壞先例，令將來議員再發動拉布的話，要面對更大的挑戰和困難。
《蘋果》記者