酒店房間 - 左丁山
五一黃金周已到，酒店生意是否好過去年，仍是未知數，最近在銅鑼灣行走，發覺有不少內地人拖住行李周圍行，但唔係去大酒店噃，一位旅遊界人士話俾左丁山聽，銅鑼灣多咗好多小型賓館，租金比較便宜，吸引不少內地客入住，至於呢啲賓館是否領正牌，則無可稽考，相信連商務局長蘇錦樑都唔清楚。最近蘇局長話去年底全港有六萬七千個房間，預計今明兩年將增加一萬個到七萬七千個，到2017年全港酒店房間總共有八萬四千個。
如果現在有房間七萬個嘅話，晚晚客滿，每人住一晚，乘以365日，可招待二千五百五十萬人，每房住兩人，可招呼五千一百一十萬人，去年訪港旅客有4861萬人次，入住率相當於95%，等於爆瀉咁滯。且慢，酒店Ｍ話條數唔係咁計，去年旅客4861萬人次，旅發局預測今年有5194萬人次，按年升6.8%，但其中有3491萬係內地客，佢地之中有好多係即日來回，住在深圳，不在香港過夜嘅，而且政府之酒店房間數字不包括有牌賓館，無牌賓館，故此本港酒店房間入住率平均係80%-85%左右，確係生意唔錯，但不至於話房間不足，要拒絕接客。
生意好，值得恭喜吖，點解酒店Ｍ仲係口中唸唸有詞呢？佢話酒店現在有兩件事頭痛，其一係政府一方面施辣招逼樓價下跌，但差餉物業估價署就大大提高酒店租值估計，猛加差餉，最大增幅係五成，搞到酒店業嘈到震天，高呼抗議。其二係酒店請唔到足夠房間清潔工，清潔房間並非一般清潔，要受過訓練先至懂得執床單、洗廁所、抹枱、吸塵掃地，執到間房好整齊雅致先至掂，現在熟練工人非常缺乏，新手頗難招聘，而酒店缺乏執房清潔工，交房一定受阻延，住客投訴接踵而至。咁又係，左丁山去外地酒店check in最憎係十一時到達，下午三時後先至有房，等到扯火㗎。酒店Ｍ話有人提議組織房間清潔公司，專門承包酒店房間清潔（即酒店外判房間清潔），呢個方法可唔可以解決勞工不足難題，未諗得通，新加坡方法就係輸入外勞，但香港就諗吓都有罪。
如果現在有房間七萬個嘅話，晚晚客滿，每人住一晚，乘以365日，可招待二千五百五十萬人，每房住兩人，可招呼五千一百一十萬人，去年訪港旅客有4861萬人次，入住率相當於95%，等於爆瀉咁滯。且慢，酒店Ｍ話條數唔係咁計，去年旅客4861萬人次，旅發局預測今年有5194萬人次，按年升6.8%，但其中有3491萬係內地客，佢地之中有好多係即日來回，住在深圳，不在香港過夜嘅，而且政府之酒店房間數字不包括有牌賓館，無牌賓館，故此本港酒店房間入住率平均係80%-85%左右，確係生意唔錯，但不至於話房間不足，要拒絕接客。
生意好，值得恭喜吖，點解酒店Ｍ仲係口中唸唸有詞呢？佢話酒店現在有兩件事頭痛，其一係政府一方面施辣招逼樓價下跌，但差餉物業估價署就大大提高酒店租值估計，猛加差餉，最大增幅係五成，搞到酒店業嘈到震天，高呼抗議。其二係酒店請唔到足夠房間清潔工，清潔房間並非一般清潔，要受過訓練先至懂得執床單、洗廁所、抹枱、吸塵掃地，執到間房好整齊雅致先至掂，現在熟練工人非常缺乏，新手頗難招聘，而酒店缺乏執房清潔工，交房一定受阻延，住客投訴接踵而至。咁又係，左丁山去外地酒店check in最憎係十一時到達，下午三時後先至有房，等到扯火㗎。酒店Ｍ話有人提議組織房間清潔公司，專門承包酒店房間清潔（即酒店外判房間清潔），呢個方法可唔可以解決勞工不足難題，未諗得通，新加坡方法就係輸入外勞，但香港就諗吓都有罪。
发自我的 iPad
没有评论:
发表评论