蘋果日報- 鹽花甜吃

鹽花甜吃

鹽花甜食　鹹甜互溝層次過癮

甜品對於不嗜甜的男人而言，單一的甜膩就如洪水猛獸，吃後只感到糖封喉嚨的難受。不過近年外國流行將鹽撒在蛋糕等甜品上，以鹹味提升甜的層次變化，甚至令非嗜甜者都墮入糖衣下的鹹味陷阱。

撰文：劉小明　攝影：黃子偉、伍慶泉

鹽‧焦糖‧朱古力　三角魔法

甜品加鹽，味道會否好古怪？其實甜品向來都會用到鹽，例如蛋糕加鹽，質地會變得鬆軟；曲奇餅加鹽，據說咬落會更脆。至於直接在蛋糕上撒鹽，就是近幾年外國流行的做法，例如朱古力蛋糕加層鹽，先甘後甜再有鹹味滲出來，絕對比單一朱古力味更富層次變化。不過並非所有鹽都會令甜品變得好味，一般會用海鹽或岩鹽等鹹味較淡的，貪其不嗆喉，沒突兀感，甚至可增強其他材料的味道。

鹽甜品多會與焦糖及朱古力一同出現，三者可謂是無敵鐵三角，如Black n White的招牌甜品海鹽焦糖慕絲脆脆，就運用了喜馬拉雅山粉紅礦鹽來煮焦糖慕絲，令單調的甜味變得飽滿，嚐起來立即有深度得多。「鹹味同苦味夾埋一齊，會令味道變得更順口同舒服。好似煮焦糖就會落鹽，令焦糖甜味減弱，苦味提升，有少少鹹味，就最為完美。」帝京酒店糕餅總廚陳師傅解釋。但說到把鹽甜品玩得出神入化，就不得不提朗豪酒店Chef Teddy所做的朱古力開心果沙樂美腸，用朱古力包開心果及夏威夷果仁，切片之後再加海鹽調味，外表似十足沙樂美腸，吃時因為沒預計是鹹的，吃後會驚訝於甜鹹相間的平衡感，很有趣。

■海鹽泡芙，賣相趣致，而Puff內更注入海鹽朱古力餡，甜而不膩。$46/e

■軟朱古力撻配榛子及海鹽，撻面撒了海鹽，令甜度減弱，更能嚐到酸中帶甘的滋味。（d）

■牛奶朱古力慕絲伴焦糖醬及檸檬忌廉，海鹽焦糖刻意煮焦一點，帶點苦味，層次分明。（a）

■焦糖海鹽千層批，有齊鹹甜甘味道，一試上癮。（f）

■朱古力開心果沙樂美腸，造型同味道與沙樂美腸無異。（d）

■海鹽焦糖慕絲脆脆，帶點鹹的焦糖慕絲，配上曲奇脆脆同吃，味道立體又豐富。$42/b

■焦糖香蘋，喜馬拉雅山礦鹽焦糖慕絲及海綿蛋糕做夾心，配焦糖面及蘋果果肉，層層滋味。$40/b

古老菜撻鹹甜分明

雖然話鹽味甜品是近年潮流，但原來法國傳統的瑞士甜菜撻（Swiss Chard Tart）就是鹹甜並序的代表，內裏有蘋果肉、巴馬臣芝士、榛子、還加海鹽及中國白菜，一切開，餡料層次分明，味道亦討好。

雪糕、雪葩跟鹽同樣是超強配搭，好像Hooray就將岩鹽加於番茄內，配上羅勒烤至半乾，煮成茸後再製成雪葩，增加番茄甜味，又凍又鹹又甜，味蕾經歷一番滋味旅程，很過癮。

■燒岩鹽番茄雪葩，配山羊芝士蛋糕，過癮。$98/c

■瑞士甜菜撻，層次豐富的餡料，加入海鹽及白菜，好味又過癮。$40/e

朱古力鹹鹹哋　正！

市面上有不少用上海鹽的朱古力，究竟能否得到不嗜甜的男生心呢？今次找來香港W Hotel的Marketing Manager Stewart這位不嗜甜品的男生試試坊間一眾鹹味朱古力。結果他竟然大叫：「正！」

滿分為5★

試食專員Stewart

海鹽腰果朱古力$90（100克）/h評語：有咬口，朱古力不甜膩，還鹹鹹哋，會吃不停口。（4.5★）

焦糖馬卡龍$25/g評語：沒想像中甜，很易入口。（4★）

Bonbon朱古力（左起：Soupcon、Amareno及Manon）各$22/g評語：味道不俗，不黐牙，Soupcon最正，有榛子咬口，苦與鹹恰到好處！（5★）（最正）

Rococo有機海鹽牛奶朱古力$30/h評語：鹽味很突出，帶點焦糖味，有驚喜。（4★）

a. Lion Rock（2622 6167）

＊情迷黑夜巧克力自助甜品，逢星期三8:30pm-10:30pm，每位$238

b. Black n White（2789 1330）

c. Hooray Bar & Restaurant（2895 0885）

＊須四天前預訂

d. The Place（3552 3200）

＊未定價，十件起，須兩天前預訂

e. COCO（2315 5566）

＊須三天前預訂

f. Woobar（3717 2889）

＊下午茶套餐，兩位$398

g. Jean-Paul Hevin Chocolatier（2735 3268）

h. 元朗Chocolat-ier（2760 0177）