�果日�- �面促梁振英�民意 勇猛女神�弱���

當面促梁振英聽民意　勇猛女神為弱勢發聲

【記者呂麗嬋報道】因一句「跟番民意施政」，21歲的中大女生鄧敏琳一夜間成為新聞人物贏盡掌聲，高登巴打絲打封她做勇猛女神，學者蔡子強說對她肅然起敬，她倒很冷靜，「我唔係特別勇敢，只因太多人唔鍾意呢個政府。」沒有被「光環」沖昏頭腦，肩上背着「Speak Up Voice Out」小布袋的她，坐言起行，在昏擾的世代不平則鳴，她說好應該。

■鄧敏琳與同學創辦「豐剩」回收剩食，分發給有需要的人。

一年全職「拯救剩食」
鄧敏琳以香港青年服務大獎得獎者身份「進言」，迴響巨大，「遊行集會，乜都做晒，呢個政府仍然無動於衷，撞正我有呢個機會，喺當權者面前講咗幾句心聲，冇回應都叫聽咗，自然引起共鳴，換轉幾個月之前，可能冇人在意。」


生於小康之家，父親在內地做生意，媽媽是家庭主婦，三姐妹之中排行第二，在中大讀新聞系三年級的敏琳，直言由反國教到電視發牌集會，都只跟在人後，「我肯定唔係乜社運領袖，只係同好多人一樣，迫不得已走出嚟，有邊個想日日上街？」


「競逐呢個服務大獎，面試時評審問我：你愛唔愛呢個地方？我問自己：係愛港力、愛港之聲那種愛嗎？愛一個人，已經好難宣之於口，何況愛一個地方？但我覺得，我哋每個人或多或少，都喜歡呢個地方，政總集會、遊行，回收食物分發畀有需嘅人，都係我哋喜歡呢個地方嘅表現。」


去年6月，她與幾個同學創辦「豐剩」，在網上召集義工，發起到超市和婚宴回收剩食，然而分發給有需要的人，「香港人好鍾意英雄，希望有人可以為佢哋發聲，但其實每個人，都可以做多少少。」


即將到墨西哥交流半年的敏琳志願是當記者，但她計劃明年畢業後用一年時間全職做豐剩的工作，希望將「拯救剩食」風氣發揚光大，「參加比賽，某程度都係希望勝出，可以攞到兩萬蚊獎金，呢個獎，話就話個人名義攞，但其實係成個組織得獎，會全數用以支持組織營運」。

■中大女生鄧敏琳日前領獎時，當面促梁振英聽民意施政。