【動醒晨】王祖賢虔誠禮佛想出家？ 何寶生撇雄厚身家破紅塵
47歲嘅王祖賢退出演藝圈多年，一直定居加拿大，之前佢難得返嚟香港，但容貌就變咗好多。不過佢仙女嘅氣質，就一直都保持到。
王祖賢近日被拍到現身溫哥華一所觀音寺，巧遇王祖賢嘅網友喺微博話：「觀音寺上香巧遇王祖賢，她人很和善，和我說話一直面帶微笑，可惜她因為沒有化妝，所以不想留下污點，不過以後經常會在這裡見到她的，有機會喔！」
相中嘅王祖賢素顏紮起頭髮，著住海青服，只係睇到個背脊，唔通佢想出家？
雖然女神係咪出家，仲係未知之數。查實藝人出家有唔少先例，好似有廖安麗老公，著名攝影師葉青霖；前無綫藝人莊文清；同曾演《鱷魚淚》、《天蠶變》嘅馬敏兒等等。
但最最最令人震驚嘅係藝人何寶生，佢放棄雄厚嘅家族資產，皈依了佛門，改法號為「道生」。生於富裕之家嘅何寶生，向來性情低調，入行後是非同緋聞都唔多。出家前，佢曾經講過自己與佛有緣，相信會有出家的一天，但唔會為自己定下日期，到緣份來時就做適當的事。
王祖賢日前被網民拍到現身某寺廟。
有網民影到王祖賢背脊。
王祖賢氣質無人能及。（資料圖片）
何寶生皈依了佛門，改法號為「道生」。（資料圖片）
没有评论:
发表评论