�果日�- �太人��天下 - 左丁山

猶太人權傾天下 - 左丁山

以色列與巴勒斯坦的激進派哈馬斯開戰，雙方殺紅了眼，不顧巴勒斯坦平民生命生活。以色列嘅策略素來係以牙還牙，以眼還眼，殺敵絕不手軟，故此派飛機炸哈馬斯根據地，連聯合國學校都炸埋，向海灘放炮，殺埋巴勒斯坦兒童。這邊廂以色列人濫殺無辜，那邊廂哈馬斯突擊隊放炮之後，隨時走入民區搵掩護，換轉係美國士兵就會顧住人道主義，投鼠忌器箒，以色列兵就懶理咁多，照炸可也，於是美國以外嘅輿論逐漸轉向，同情巴勒斯坦人，「經濟學人」上期嘅封面故事就係「贏到戰役，輸掉戰爭」。


以色列人當然係猶太人，為乜咁惡死，有恃無恐，而其他伊斯蘭國家對哈馬斯不施以援手，任由佢自生自滅呢？先唔講第二筆。呢日我地在中午飯局，講起猶太人係世界上最有影響力嘅民族，中國漢族人甘拜下風，遠遠不如。乜唔係箒，中國而今係一黨專政，黨大於國，黨中央要求13億人永遠堅定信仰馬克思列寧主義，馬克思就係猶太人啦，中國人一定要拜佢服佢呀。大把世人信奉基督，以耶穌為師，耶穌就係猶太人；信科學呀，以愛因斯坦為偶像，愛因斯坦係猶太人。


飯後賓架P電郵傳來一位巴基斯坦著名政治學者經濟學家、時事專欄作家、紐約州立大學博士Farrukh Saleem嘅一篇網上廣泛傳閱小文："Why are Jews so powerful?" 呢位沙念博士指，世界上有一千四百萬猶太人，14.76億伊斯蘭教徒，過去105年以來，猶太人學者攞咗15打（180）諾貝爾獎，穆斯林只獲得3個；醫學上最重要影響一般人嘅藥物及診治，如小兒麻痺症、肝炎、梅毒、傳染病、洗腎機等等皆由猶太科學家發明，核子反應堆、交通燈、不鏽鋼、有聲電影、電話、米高𥧌、錄影機，全由猶太人發明，影響我地日常生活嘅星巴克、利維牛仔褲、Polo Shirt（Ralph Lauren）、Dell電腦、甲骨文、Google，皆由猶太企業家創辦，美國、俄羅斯、英國、加拿大等國家政壇好多高官係猶太人；美國傳媒如紐約時報、華盛頓郵報創辦人係猶太人，最影響20世紀社會科學嘅佛洛伊德、佛利民、Samuelson係猶太人，當然華爾街係由猶太人揸弗。為何如此？沙念博士話，講晒只係兩個字：知識（Knowledge）與教育（Education）。與槍桿子無關！