�果日�- 油菜夫�油菜妻 - 李碧�

油菜夫與油菜妻 - 李碧華

這是家潮州小店，以手唧魚蛋牛筋腩雜等粉麵馳名。宵夜時段客人也很多。忽聞吵鬧之聲。


原來侍應問客人點什麼油菜：「通通都有！」後來廚房回報：「今晚好生意，韭菜花同芥蘭都賣晒。」


客人發爛渣：「咁即係唔係通通都有啦！咁你即係掛一漏萬啦！」


吓？亂用成語？一瞧，口音不正是聞名光顧的自由行強國人。老公還不甘休：「摷個餐牌睇睇，嗱──」


老婆忙幫口：「係啦，你地打開門做生意，乜都冇點對得住客人喎！」


店方做好做歹道歉。二人無理取鬧，小事化大，仍絮絮叨叨，表示來幫趁大晒。一唱一和待侍應離開後，那老婆說：「摷乜鬼吖，有齊任揀你識揀咩？咪又係西生菜！不嬲發誓當食生菜啦。」


我們忍不住笑起來──因為馬上代入了Tree Gun叔和厲魂嬸，完全勝任這兩個角色，夠傳神。


我們看立會議事，經常出現類似畫面。不是盲聾啞舉手機器，便是小學雞發晦氣政客，拋成語（錯晒），引經據典（牽強的），總之廢噏娛樂性豐富。本港納稅人公帑飼養這批庸才，只回饋低級笑料調劑？太虧了，十分悲涼。

I