�果日�- 巴打教你 QE��「印��」

http://hkm.appledaily.com/detail.php?guid=19012074&category_guid=15307&category=daily&issue=20150123

巴打教你　QE點樣「印銀紙」

我喺銀行做咗幾年，啱啱升咗去做serve嗰啲戶口有幾廿萬元嘅客，唔好以為係優差，其實佢哋好多嘢都唔識，成日黎問嘢。好似早幾日，有個40幾歲嘅太太嚟，佢話見歐元跌想買啲，佢想買個數都唔細，所以問多兩句。





「呢排見到新聞話歐洲有QE，我香港政府係咪咁叻仔，將QE伊利沙伯醫院連埋d單非雙非乜非送去歐洲呀?」我以為佢假膠，點知佢係真心膠，當然我要表現專業嘅一面同佢解釋「QE其實係講緊量化寬鬆，亦即係放水。」





淨係講咗呢句，佢已經再問：「放水係咪即係交水費呀？」我諗咗一大輪，先知佢噏乜，大佬，我哋男人去廁所叫揸水囉，我真係忍唔住hi auntie一吓，不過都係心入面，你話我龜縮都好，我靠份工養家，我真係驚唔覺意hi咗出聲，我就叫auntie等我講完先好問。





咁我就繼續講啦話當經濟低迷時，政府有可能用到嘅一項改善經濟的措施，由央行做公開市場操作，用嚟提高貨幣供應，簡單嚟講即係「印銀紙」。





一講到「印銀紙」，auntie對眼發哂光，掰大個口又想講嘢。唔使佢開口，我都知佢會噏乜。跟咗佢咁多年，年中交手無數次，我肯肯定佢話「車﹗按個掣印銀紙派埋比窮人，咪可以解決貧富懸殊囉。」為免呢啲無知問題比隔離女同事聽到，我吸咗淡氣，用更大聲繼續講解。「其實印銀紙都係間接啫，利用創造出嚟嘅錢，喺公開市場買政府債券、借錢畀接受存款機構、由銀行度買資產等。」





我見佢點哂頭，應該聽得明我講咩，所以就再深入啲。「呢啲都會搞到政府嘅債券收益下跌同埋銀行同業拆利率降低，咁樣銀行就可以有大量賺取極低利息嘅資產，其實央行咁做都係希望銀行可以提供貸款賺取回報，市場嘅資金流動多咗，紓緩市場對資金嘅壓力。當銀行手頭鬆動，或購買嘅資產隨著通脹而貶值時，量化寬鬆會令貨幣傾向貶值。市民都傾向使錢，因為量化寬鬆有可能增加貨幣貶值風險。」





我一口氣講完，auntie佢又係咁點頭，我都真係好有成就，真係想講「媽﹗我得咗喇﹗」有一種，比個仔考到入名校更興奮嘅感覺。當我諗住順勢sell佢其他嘢，點知佢用一個天真嘅眼神望住我：「我都係繼續買歐元喇﹗」我即刻心情直墮谷底。

I