�果日�- �香�：今年金莎特�多 - 海迪

http://hkm.appledaily.com/detail.php?guid=19055188&category_guid=15307&category=daily&issue=20150226

樂香園：今年金莎特別多 - 海迪

農曆新年假期完結，和友人談起今年消費市道，他說近日經常見到便利店職員用手堆車，把疑似賣唔去的金莎存貨、一車車從分店運走。「唔係話今年勁多水貨客㗎咩？點解金莎仲剩咁多？」海迪早前行超市，唔知係咪心理作用，也覺得那座「金莎山」似乎叠得比往年高。


今年金莎的行貨價雖然在超市集團壟斷下仍叫「托得住」，但水貨價早在新年前兩星期已「失守」。一盒廿四粒的金莎，今年售價跌穿五十蚊大關，較往年至少五、六十蚊一盒平得多。


眾所周知，過去幾年金莎皆為自由行客來港辦年貨「必掃佳品」，加上內地需求殷切，本港一直有大量商戶，從外地引入金莎水貨來港，甚至出現「有勢力」團體，以水路等其他非正常途徑，一櫃櫃咁運回內地。有本港零售業人士坦言，由於內地相關部門須配合中央打貪方針，故今年「執正」來做，打擊金莎走水貨大批入境，導致香港呢個「中轉站」存貨堆積如山。另一超市高層仲話，盛傳今年有人「炒燶金莎」，大手入貨後無法運走，搞到要就地散貨蝕賣。


由於無得用貨櫃大批偷運年貨過關，故有關人士惟有採用「螞蟻搬家」方式，找來大量駁腳把禮盒逐少、逐少搬回去。或者這就是今年水貨客特別多的原因之一。





海迪

HH