蘋果日報- 股市大時代如賭場 散戶賺兩層樓師奶日袋10萬

http://hkm.appledaily.com/detail.php?guid=19158588&category_guid=15335&category=daily&issue=20150524

股市大時代如賭場　散戶賺兩層樓師奶日袋10萬

【《蘋果》記者廣州直擊】
中港股市進入大時代！今年第一季上海和深圳股市總市值突破9萬億美元（約69萬億港元），僅次於紐約成世界第二大股市。上周五中港股市又喪升，面對港股A股化、中港互通基金將壠動，《蘋果》記者近日北上廣州，尋訪「民間股神」取經。有散戶幾個月炒股賺了兩層樓一輛車，日賺十萬元（人民幣．下同），但他們都稱中國股市如賭場，造假陷阱處處。

「今日賺咗十萬蚊，我放咗一部份。」全職家庭主婦蔣小姐，十多年前炒股賺到第一桶金，帶同女兒移民澳洲，上星期返廣州，決定乘中國市場熾熱，接地氣，留一個月在內地炒股：「返嚟把握機會，時不等人，刮晒籠底啲錢出來炒，呢幾日買啲股都唔錯，好多隻漲停。」記者上周四採訪幾小時裏，眼見她股票戶口從約140萬跳到149.7萬。她說，近期每日賺10萬，難度不大。

■華哥（左）和蔣小姐等股民愛茶聚談股。《蘋果》記者攝

一隻股票大賺71萬
林智華人稱華哥，50多歲，記者於當天收市後在茶樓與他碰面，「今日贏十二、三萬啦」。華哥在近大半年A股牛市中已賺到最少兩層樓一輛車，曾做汽車配件生意的他，通過融資融券賣中一隻汽配股，就大賺71萬：「股票贏錢一定要買啲嘢，股票時刻有風險，贏錢快輸錢一樣快。萬一股票輸光，我買咗兩層樓一架車依然係贏。心情係場內參與者，都可以係旁觀者。買股心態好緊要，港股更加係，雖然我冇買。」

趁升市退市「唔好賺到盡」
72歲的「亞通叔」何啟盛是內地第一代股民，幾年前成功預測跌市兼投資不知名股票翻三番，被百度封「民間股神」。退休前從事財務工作的他謙虛說：「呢波牛市我賺一個番，人哋四五番，我好蠢咋。」記者到訪他專門用來炒股的屋時，雖然股票倉一片紅（內地股紅代表升，綠代表跌），亞通叔仍準備月尾褪一部份炒股錢來買樓：「𠵱家股價咁高，褪錢出嚟買樓都啱啦，唔好賺到盡，否則噓噓聲跌走唔切。」牛市也非人人都賺，亞通叔說有個朋友錯信經紀，近半年就輸了80萬元。


幾位股市贏家都是升斗市民，三人策略不同，惟共通點是絕不盲目「低斬高追」，牛市賺錢不值炫耀，捱過漫漫熊市煎熬才是真功夫。蔣小姐說：「大盤大跌我最精神，斬掉衰股換好股。嗰啲以前睇到價位高高在上的好股，大跌市正係我入手良機。好似女人名牌手袋平時買唔起，減價時就入貨一樣。」華哥過去幾年熊市年年有賺，這波牛市即使銀行股跑輸大市，建行依然為他賺了過十萬，秘訣是「走」──高賣低吸炒波幅：「哪怕賺一個點都要走，走密啲。」華哥炒股每日過百次交易。與炒港股不同，內地交易手續費低至萬分之三，散戶往往可密食當三番。

上一則: 內地公路不平　港客揈到胃痛

下一則: 阿爺撐股市　股民：牛市有排玩

I