「一分鐘都唔袋」
建制31人「袋一分鐘」都唔肯，臨尾十零秒「起錨」，在中央嚴懲的「霹靂手段」出台前，市民笑住替這場世紀walk them out鬧劇做紀錄：
一，網友建議替發叔豎立塑像，刻上「劉皇義士，永垂不朽」。建制派後來者加緊注意，「等埋發叔，煮無米粥」已是好彩，食習總無情雞才大鑊。
二，立法會70議員中，31個唔係波，裝越位失敗。噓過國歌的球迷獻計，建制議員全部穿上背後有number制服，大number即是大佬，日後再搬龍門方向，邊個射錯波，邊個批踭，冇得爆喊賴地硬。
三，謝偉俊厚顏指，泛民唔應該在此時噓對方。豬一樣的建制派，未聽清楚雞聲便滾水淥腳離場，咁低層次地等一個人，輕視場內28個對手。這場球賽有人走數，姓周的那121萬人唔會算數，121萬除31，票債肉償，阿爺分硬豬肉！中聯辦已經欽點了肉類分割技術員。地鐵迷建議，先由豬的啫啫割起。
四，離場又點喎？全國獨立黨破了，民建聯黨鞭借力成立全國建制黨，豬頭做黨徽，粉腸代替藍絲帶，積極爭取呃自由黨8個like！
没有评论:
发表评论