http://hkm.appledaily.com/detail.php?guid=19214567&category_guid=15307&category=daily&issue=20150710
中環迷你裙：從未如此可愛過 - Samantha
阿爺救市量化寬鬆，滬綜指成功收復3700關，大陸股票App維穩到以「笑逐顏開」來形容，大媽又係咪笑得出呢？此時滬綜指，與一周前的滬綜指大大不同，逾半股票已停賽，試問仲有幾多代表性？成交說明一切，一萬億元人仔都唔夠。強國救市已達到喪心病狂的境地，公安介入查惡意沽空都算，央企唔畀減持算是符合國情，普通大股東都唔准沽，以後有邊個仲敢玩股票？大戶唔玩，散戶見到炒唔起，都唔想玩了，總理閣下你玩埋佢喇！
就是因為有比較，從未覺得港股如此可愛，一買一賣，願賭服輸嘛。港股這次跌浪，暫未聽過有人能全身而退，但最大失誤是甚麼？最恐怖是自己竟然咁信阿爺，圖表上已轉勢，盤路已走樣，仍堅信「阿爺唔會畀個市死嘅」。曾問過鄰居魏生，炒股最重要是？紀律。若能夠嚴守自己訂下來的紀律，相信能夠更decent離場。
市況不穩，資金必泊向質地好股票，通達（698）是其中一隻，全年多賺39%至5億元，毛利率上升1.9個百分點，首季表現亦相當不俗，首季收入多41%，今年更專注毛利較高的流動電話金屬外殼；加上開拓汽車內飾新業務及實行機械自動化生產，相信上升動力不變，若能夠企穩1.4元的水平，值得吸納。
Samantha
https://www.facebook.com/stocksamantha
本欄逢周三、五刊出
没有评论:
发表评论