四叔：樓市再跌15%見底 指港受惠一帶一路 「發得好犀利」
【本報訊】恒地主席「四叔」李兆基近年多次看淡本港樓市，惟料跌幅不會太大；他昨在業績會上重申沒改變看法，但就估計樓價會由高位累跌最多30%，「喺好市跌到今日，已跌咗15%」，估計今年上半年或再跌5%，隨後慢慢跌多10%直到明年底。對於本地經濟前景，李指恒指若重上24000點，香港經濟會恢復。
記者：岑梽豪
■李兆基昨在恒地業績會上稱，樓價料由高位累跌最多三成。謝榮耀攝
李兆基坦言，香港住宅建築成本要每呎5,000元，若樓價跌多於30%，則地價要降低60%，「再跌啲，政府賣地冇錢收」。故此他相信樓價跌到一定程度，政府會出手扶持，甚至減辣：「跌到佢（政府）驚起上嚟都要減㗎啦……唔會畀佢跌50%。」去年10月李兆基在北京曾向傳媒表示，預期未來一、兩年樓價每年跌5%，並稱「若跌30%就會好慘」。
籲買地產股 勿炒樓
李兆基稱現時買樓自住還可以，「因為淡極都係跌多10%」，但若炒樓則「千祈唔好」，寧願買地產股：「（價值）一蚊嗰啲股票，𠵱家4、5毫就買到，冇乜蝕底。」日前長和主席李嘉誠指目前經濟是20年來最差，李兆基則唱反調，認為香港可望受惠一帶一路，稱若發動「香港會發得好犀利」，推動金融業，並相信「（香港）未必衰得好耐」，會守得雲開見月明。
李去年曾聲言，若恒指升至30000點，會每年捐10億元，但現時恒指較去年高位大幅回落，他笑稱「若果經濟唔好，俾李嘉誠嚇親，衰到不得了，好多人捐錢都慳番啲㗎喇」。他指若明年恒指重上24000點，港經濟會恢復，惟目前市道較差，集團物業銷售額可能會因而減少。恒地業務集中在中、港兩地，李兆基聲言不會到海外投資，早已在香港落地生根，稱自己當年由中國手持1,000元來港發展，對香港有很深感情。
另外，石硤尾大坑西邨計劃重建為資助房屋，協助青年置業，李兆基昨表示有關建屋計劃已交城規會審議。由李兆基任董事的平民屋宇有限公司早前已諮詢大坑西居民有3項不同要求，如續租舊屋邨單位、優先購買居屋或換取現金補償等。恒地副主席林高演稱第一期希望在2022年完工，涉及1,289伙，而第二期則涉及3,636伙，投資額最少10億元以上。
李兆基言論
【評本地經濟】
「恒指恢復返24000點，香港（經濟）會恢復返，唔會好曳。」
【談政府減辣】
「（樓價）跌到佢（政府）驚起上嚟都要減㗎啦！」
【評梁振英連任】
「唔知梁振英到時怕唔怕辛苦，或者唔選都唔定。」
【談古洞強拆】
「我哋都報咗警，唔知點解突然間拆人啲屋。」
【到外國投資】
「英文我又麻麻哋，食西餐又唔鍾意，已經係落地生根。」
上一則: 伊院病人上房等15小時
下一則: 讚梁特勤力 拒撐連任
I
没有评论:
发表评论