【每日健康】茶當水飲損皮膚　寒熱底飲茶有避忌

走在街頭，見到許多人都手執支裝茶當水飲。飲茶當然有好處，不過當水飲，飲咁多，有無問題？註冊中醫師楊明霞指，濃茶當水飲，利水作用太大，會補充不到水份，令皮膚變乾，所以一日飲兩三杯就足夠了，不太建議當水飲。

另外，寒熱底體質不同，飲茶都有須要注意的地方。如果天生偏寒底，就應盡量避免飲青茶、綠茶。事關這兩種茶性質都比較寒，本身已是寒底，再大量飲用，很傷脾胃，會令人感到十分疲倦，而且易有水腫；如果你是熱底人士，若經常飲好多紅茶，紅茶偏溫，就會火上加油，令人更容易煩躁，容易有唇瘡，小便亦會偏黃。

最後，醫師說其實茶還是自己親手沖泡的好，比較新鮮健康。她建議三款茶飲配搭，用不同藥材配茶葉同泡，簡單之餘，亦令茶變得更有益健康。陳皮加普洱，消滯消脂的效果更佳。白茶加桂花，加強抗氧化作用，令皮膚變靚，抗衰老。