廉潔動搖損港金融地位 京勢問責
■執行處一哥丘樹春前日突辭職，又閃電收回決定。
【拆 局】
廉署接二連三有高層「劈炮」，除反映廉署內部管治出現嚴重問題，更觸動不少政商界人士神經，憂慮香港廉潔優勢會動搖，損害香港國際金融中心地位。有人更形容，今次事件較香港普選問題更受國際關注，對香港打擊更大，北京一定不會袖手旁觀。
有政界中人稱，前日廉署再地震，署理執行處首長丘樹春「話走又唔走」，消息引起不少政商界人士關注，「唔少商界中人都打探，究竟廉署內部發生緊乜事，點解可以亂成咁？」有官場中人也說，廉署作為香港反貪機構，作為執行處「一哥」去留可以如「細路仔玩泥沙」，令人難以置信，「嚴重影響政府同廉署形象，亦令人質疑香港反貪係咪出問題」。
商界：大鑊過冇普選另一政界人士指，政商界關注今次廉署亂局，全因香港廉潔優勢是維持香港國際金融中心地位、確保香港營商環境、吸引外資的重要支柱，「有商界話，冇咗廉政同司法獨立，比冇普選仲大鑊」，他說若廉署出事，北京也不會坐視不理，「除咗涉及經濟考慮，北京亦唔想國際社會話，香港回歸後就冇咗廉潔社會」。
有泛民中人更相信，接二連三有廉署高層劈炮，令人越來越相信政圈傳聞，當中或涉對梁振英UGL案的調查，「如果唔係，點會走完一個又一個？」曾出任多個廉署諮詢委員會成員的民主黨單仲偕指，今次廉署亂局震撼，全因並非個別高層劈炮，而是一個接一個走，「即係話唔係個別事件，係前所未見，可以話廉署內部對立情況，去到兵戎相見」，而香港廉潔指數自回歸以來不斷下跌，「呢件事對北京係嚴重警號，梁振英、白韞六要交代同問責」。
■記者莫劍弦
■李寶蘭遭取消署任執行處首長，引發內部離職潮。
上一則: 廉署內亂難平 白韞六密晤梁
下一則: 17議員聯署促白交代離職潮
I
没有评论:
发表评论