【答問大會】郭偉強不滿梁振英「hea答」 叫佢慳啲唔使再答
2016-07-14 23:06:00 HKT
【新增影片】盛傳將參選港島區的工聯會郭偉強，今日答問會上罕有表現「勇猛」，會上炮轟梁振英後，更首度憤然離場抗議。郭偉強會上手持梁振英的政綱，問梁振英「仲有無印象呢份係你政綱?」，批評梁振英四年前答應工聯會，將標時和對沖寫入政綱，但四年後的今日，「標時傾緊，退保講緊，強積金對沖問緊，全部都係得把口，我地打工仔最關心議題全部都係無答案、未解決」，質疑「係商界太霸道，定你(梁振英)腳頭唔好，唔利打工仔?定呢份政綱你己拋諸腦後?」，就將梁振英的政綱掉在地上。
郭偉強又指，現時梁振英任期只餘一年，標時委員會用了三年，都只傾出屬「爛橙」的合約工時，迫勞工界退出委員會，問梁振英「只餘一年任期，你係已無能力覆行勞工界的承諾？」。梁振英回應時則指，標準工時、對沖和退保是「老大難問題」，但他「不怕難」，指現時最重要是在立法會形成共識，又指涉及僱主和僱員問題上，政府「要盡更大努力，去尋求社會和立法會共識」，「我都好希想今日有魔術按扭，我地按落去就做成件事」。
但郭指梁振英「hea答」問題，直指「主席，唔好哂時間，畀其他同事問題」，就憤然離場抗議。其間有泛民議員高喊「郭偉強好嘢!」。
民建聯李慧琼則提問指，兩地問題愈來愈多，愈來愈尖銳，有人指因制度而起，亦有人指是人的問題，梁振英如何解決各種問題。梁回答，指「一個國家，兩種制度」是最好安排，又多次強調「一國兩制，港人治港，高度自治」，在今天和將來亦是對香港最好，而如何實行，是要切實地落實基本法。他又引述1987年一位泛民朋友曾指，社會矛盾是客觀存在，存在解決過程，他亦舉例如保育與發展存在矛盾，需時化解，又指社會存在問題原因很多，惟一國兩制是最有利安排。
李慧琼隨即指，同意一國兩制是最好安排，惟仍請行政長官講述會如何解決社會矛盾。梁再回答指，依法辦事是根本，希望求同存異，過去已解決了多個問題，如過去4，5年解決了不少貧窮問題，有信心可以做好工作。
郭偉強手持梁特當年的「行政長官的競選政綱」，質問梁會如何履行有關勞工議題的承諾。馬泉崇攝
I
没有评论:
发表评论