【日本限定】試食星巴克布甸加M記三角批 你揀邊款？
記者最近走了轉大阪，去到日本，除了買衫以外，當然要試試日本限定食物，令大家羨慕一下。
第一款就是星巴克的布甸。雖然之前在韓國推出過，不過日本就是第一次，香港當然就無。布甸極度搶手，記者行了兩日星巴克，第一日晚上行了三間，全面賣清，第二日朝早八點半去到才買到，已經只剩四個，朱古力味只有一個，立即買回酒店試試有甚麼特別。
兩款布甸，一款朱古力味一款牛奶吉士味，拿上手搖幾搖，好像震動幅度不大，表面睇不算軟滑。首先試食朱古力味，發現做人不應該睇表面，原來布甸頗為軟滑，朱古力味濃之餘又不會太甜，食到最底更有朱古力醬。另一款牛奶吉士味，感覺像食燉蛋，味道不錯。
另外記者又試了日本麥當勞限定，白朱古力三角批。批底不夠脆之餘，味道非常甜，而且餡料極少，咬一啖已經所剩無幾，個人不太喜歡，除非是白朱古力死忠，否則不用試了。
記者：李聰
上一則: 【水上人食譜】即開生蜆蒸蛋 蜆代鹽更鮮甜
I
没有评论:
发表评论