黎明的真冧功 - 馮睎乾
黎明真的不是浪得虛名。見有些平時不大喜歡100毛的網友，竟破天荒些牙那個可能是史上最屈機的咖啡廣告，就知道堅．黎明果然堅，金句王確實金。
四大天王拍廣告，學友城城我毫無印象，劉華只記得他托過碌杉，以及今時今日被服務業狂串的那句「服務態度」。至於黎明，九十年代已爆出「要贏人首先要贏自己」的睿智型金句，如今又自度一句「層次高啲嘅員工，梗係要得返層次高啲嘅人工」，冧盡打工仔，確實把另外三位都比下去了，難怪他的廣告以前洗腦，現在洗版。
黎明是一束矛盾的完美結合：懂冧人的通常假，嘴甜舌滑，信佢一成，雙目失明，但黎明自成一家，冧得嚟有4D咁真，甚至真過4D。究竟係咩玩法？黎氏冧功的必殺技，是無招勝有招。廿年前隨口叫聲「May」，已溶化萬千女性的心；廿年後更深不可測，省掉「我愛你」，只一句「對不起」就打動全港市民。據說武功練到最高，落葉飛花已可傷人，現實中我未見過；但冧功去到最強，講聲Sorry就能感人，我見過，我真係見過。神功心法早見於黎明語錄：「得到歌迷嘅支持我好高興，但我未必要討好佢哋。」他不是為了冧，才強行推銷「真」，而是因為真，所以冧。
但要在社會生存，不能單靠真，還要真得高──低層次的真，乞人憎；高層次的真，可加分。何謂高層次的真？以廣告為例：N記咖啡畢竟不是高檔貨，黎明就避重就輕，拿鄧小平金句二次創作，扭成「唔理白咖啡定黑咖啡，好飲嘅就係好咖啡」，還醒多句「咖啡無灰色地帶」──既點出產品名堂（白咖啡），又understate檔次問題（好飲就得），更巧妙暗示了港人認同的道德觀（黑白分明），一次過滿足三個願望。三十零蚊買盒咖啡支持黎明，抵；N記請到黎明，更抵。
上一則: 黑杞子 - 蔣芸
下一則: 不反對當贊成？ - 高慧然
I
