「作為港人我可以講自己心聲」 周潤發撐曾俊華
【本報訊】新一屆行政長官選舉將於本月26日舉行，3位候選人曾俊華、林鄭月娥和胡國興近日積極落區進行拉票。昨日曾俊華落區時，在九龍城公和荳品廠「野生捕獲」發哥周潤發，二人即場在舖頭招牌下selfie，異口同聲表示「公和」代表「公平和諧」，發哥更揚言支持曾俊華做特首。
記者：畢紹基 徐錦池 陳月媚
曾俊華昨與太太落區時遇上周潤發夫婦，發哥拿起手機自拍留念。畢紹基攝
曾俊華昨日下午與太太曾黃蓮華落區到九龍城拉票，其間在公和荳品廠遇上與太太陳薈蓮撐枱腳的發哥周潤發，原來曾俊華出任財政司長期間已經與周潤發認識，因此昨日二人一見面即握手寒暄。由於公和因申請不到食肆牌照，去年底改用塑膠器皿和收起所有凳；發哥昨亦趁機向曾俊華呻說：「我嚟呢度好多年喇，不過嗰陣係坐，唔係企，𠵱家食環署搞一搞，就冇得坐。」
讚曾勤力為港服務
之後發哥問曾俊華選舉工程進展如何，曾俊華就苦笑說：「都好攰㗎。」發哥聞言笑說：「你通波仔都唔死得，冇事嘅。」經常被集郵的發哥，主動表示要跟曾俊華selfie，他拿起曾太的手機拍攝完大合照後，要求跟曾俊華合照，然後即場將照片調成黑白相，背景正好見到「公和」二字。曾俊華隨即表示公和代表「公平和諧」，發哥亦同意說：「係呀，公平和諧，公正都得，公正和平！」
現場有人問發哥是否支持曾俊華做特首，發哥即表明力撐說：「支持！」但說到發哥不是選舉委員會委員沒有投票權時，發哥說：「我雖然唔係選委，但我作為香港普通市民，我都可以講自己心聲。」曾俊華亦表示：「雖然發哥唔係選委，但我爭取1,194名選委重要之餘，面對七百幾萬香港市民，爭取佢哋支持都好重要。」
發哥接受本報訪問時，被問到為何支持曾俊華，他解釋：「有一次曾生通波仔，但佢出院冇耐就上班工作，我覺得好勤力，係一個好為香港服務嘅公職人員，好感動，應該支持。我其實幾鍾意佢開頭輸入一啲電動車時，免第一次登記稅，不過𠵱家冇喇！我想買架電動車都唔得。」
發哥表示，期望新一屆特首可以積極覓地起樓改善民生，記者問到假若曾俊華當上特首，對他又有何期望？發哥說：「最緊要國泰民安，大家可以和諧，扶貧方面做好啲，幫多啲老人家。其實邊個選到都好，希望可以為香港服務，令香港氣氛和諧，社會和平啲啦！」
Z88
没有评论:
发表评论