指港台「唔掂」林鄭稱講笑
【本報訊】特首候選人林鄭月娥昨出席新民黨論壇後，被問到早前曾批評港台電視「唔掂」，引起港台員工不滿，林鄭辯稱有關說法只是「少少講笑」，她指當日在記協論壇只是用「笑笑口咁嘅情況同態度」回答問題，反指外界「要成段咁去睇」她的發言，強調「只係出於對港台的關心」，又再否認落區要大批警員保護是怕示威者，亦從沒作出有關要求。
林鄭月娥昨與新民黨選委會面。
曾：選委要為投票負責
林鄭昨出席新民黨論壇時，至少四名黑色西裝警員全程在門外把守，但胡國興和曾俊華其後出席時，則只見數名便衣警員到場。林鄭會後被問到落區時，經常要用上不少警力保護，是否害怕示威，她說落區很多時是快速進行，「因為呢個先能捕捉到市民真實的反應」，指如有活動要出席，又一早知道有示威發生，「好多時係現場保安，同埋我成為候選人後，警方畀咗我好基本的服務，並無要求特別開路或者咩」，又指市民示威沒有問題，但要有秩序。
曾俊華昨出席論壇後，被問到有傳中聯辦為林鄭「箍票」一事時，曾指每位選委都有自己的想法和考慮，「大家都知道，佢哋會憑良心投票，因為佢哋亦都要為佢哋的投票負上責任」。問到估計取得有多少建制派票時，曾說並無具體數字，「大家可能喺去投票嗰一刻，有一啲諗法，呢啲係預算唔到嘅」。
對於外界認為他對公務員間的親和力較林鄭高，曾俊華稱過去做事方式都是希望與同事一齊合作，又指自己不愛與其他人比較，因為很難有一個標準，只稱自己過去一直與同事「有商有量」，作為一個部門或政策局領導，希望可以善用不同同事的強處，令工作更加有效率。
問到為何上次論壇上，曾稱慶幸任內不用向林鄭負責時，曾俊華即笑着反問：「我有咁講到呀？」引來在場傳媒一陣笑聲。曾俊華其後指：「佢（林鄭）個人要求好高嘅，即係我哋未必可以做到佢的要求，不過我以前都做過葉太下屬，我做海關關長時，佢係我老闆嚟，佢（葉劉）畀我幾高分㗎」。
■記者林俊謙
Z88
没有评论:
发表评论