「佢唔會重啟政改，因為衰咗一次」 曾俊華K.O.林鄭
【3.26特首決戰】
【本報訊】特首戰開打以來，三位候選人昨首度同台出席論壇，大熱林鄭月娥與曾俊華針鋒相對，林鄭一開波便三度數落曾俊華在位時無向教育界提供足夠撥款，曾俊華強調在位時政府開支增加一倍半後，並向推動政改失敗的林鄭反擊，指林鄭不想重啟政改是不想「衰多次」，成功K.O.林鄭的他贏得全場掌聲；對於林鄭指有網民攻擊她的支持者，行為是「白色恐怖」，在網絡紅爆的曾俊華糾正指網上留言並非白色恐怖，不應遏制。
記者：姚國雄
林鄭月娥（左）及曾俊華昨出席教協論壇。
這場由教協舉辦的論壇是三位候選人首場兩小時同台辯論，地點在聖公會基福小學。雖然論壇不設互相質詢環節，但林鄭急不及待在開場白環節向曾俊華搶攻。率先發言的曾說他擔任財政司長時，均有足夠撥款落實由教育局提出兼可執行的措施，林鄭即時狙擊，批評曾任內推出「0-1-1」方案，即由2016年兩個財政年度起，政府各部門每年減省1%開支，「當有人話教育局爭取到嘅資源完全到位，恐怕同現實不符」。
林鄭又稱，學校近年有很多有時限撥款，為教育界和政府製造不穩，矛頭直指曾俊華：「點解有咁多有時限嘅cash grant（現金撥款）？當然同管理財務嘅人嘅睇法係有關。」她又指過去幼兒教育佔教育經常性開支不足十分之一，是否足夠大家心中有數。
林鄭不爭取改動8.31決定
捱打多時的曾俊華反擊，在有人提問政改時指出要盡快重啟政改，又向2015年推動政改方案失敗的林鄭進擊：「我知道點解Carrie（林鄭）唔會重啟政改，因為都衰咗一次，點解要再衰多次呢？我知道佢話深有感受，當然啦，連佔中都拉埋出嚟，呢個係非常之嚴重嘅事情。」
此時，台下向成功K.O.林鄭的曾俊華報以熱烈掌聲，林鄭聽罷則保持木訥表情，雙唇合緊，一會兒後才提筆寫字。林鄭稱，不會為爭取泛民支持而承諾爭取改動8.31人大決定，只會依法辦事，並營造重啟政改的氛圍。胡國興亦加入戰團，指自己是法官，「最依照」《基本法》辦事：「8.31人呢三隻字冇寫喺《基本法》入面……8.31人係『冇人制』！」
好戲在後頭，最後一條提問針對港大校委會近日提出要嚴懲告密者，又指梁振英控告立法會議員誹謗，擔心白色恐怖蔓延全港，要求只有建制派提名的林鄭交代日後如何令市民有信心，林鄭指她也是白色恐怖受害者：「白色恐怖竟然影響埋支持我嘅朋友……芳芳姐（蕭芳芳）幫我拍咗一條一分鐘短片，喺網上惹來對佢個人嘅抨擊，呢一種白色恐怖喺香港社會不能接受。」
曾：網上留言係真心回應
林鄭對白色恐怖的理解令不少選委譁然，曾俊華其後向林鄭發炮：「網上留言唔係白色恐怖，最近發生好多嘅事情，大家都知係咩事情，嗰啲先係白色恐怖，好多時網上嘅留言係真心回應，好多年輕人覺得要表達意見，喺網上寫出嚟。如果我哋要撳住呢啲事情，先係白色恐怖。」
林鄭在論壇結束後指當日推動政改，特首要求問責團隊一起推動：「如果認為（政改）係得一個個人衰咗，可能同當時嘅團隊精神有出入。」她承認沒有深究白色恐怖的意思，「我真係冇查過辭典確實係點解，但一種令人心生恐懼嘅行為語言，都應該係屬於白色恐怖嘅其中一個嘅範圍。」
曾俊華則承認政府上次推動政改時參與不多：「我係有參加過花車巡遊，但係好多事情參與真係唔多，連最後嘅報告都係你哋（傳媒）睇到時，我先睇到。」
胡國興昨指8.31沒有寫在《基本法》中。
Z88
没有评论:
发表评论