【古怪周邊】掛頸手機架 主觀拍攝無難度
Technology
Smaneck拍攝架外觀雖騎呢，但單拖拍片時確實幾有用。
相信好多有拍開片的朋友都有同一個煩惱：到底點樣先可以自己一個人拍攝到主觀視角的影片？唔通要戴上裝上GoPro的頭盔？最近日本廠商Thanko推出一款外表雖然幾騎呢，但實際上真係可以幫助到第一身視覺拍攝用途的小型拍攝架Smaneck。Smaneck按字面解可分拆成「Smart Phone」同「Neck」兩部份，其實亦講明這款小型拍攝架是需要掛在頸上，用上心口頂住安裝在拍攝架上的手機進行拍攝。由於唔使用手拎住手機，想拍自己切菜煮飯、做勞作手工，甚至是拍同咪星人玩的影片都好方便。Smaneck拍攝架僅重44g，就算加上手機都唔會太重，但所對應的手機尺寸有一定限制，最多只能安上闊80mm或厚12mm的手機，不過目前絕大部份主流手機都唔會超標。而價錢方面就真幾抵，定價只是1,280日圓（約$90），有機會過日本旅行就不妨買返個傍身。
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
將Smaneck掛上頸後，還可以自行調節手機拍攝角度，低炒高炒任君選擇。
想邊跟寵物玩邊拍片都無難度。
I
没有评论:
发表评论