【搶先試】東京最佳拉麵襲港 加黑松露 青橄欖夠淡麗
日本食評網Tabelog評定4分高分的米芝蓮一星拉麵店「Tsuta蔦」，終於都登陸香港，19日就開始試業，記者有幸「免排隊」率先試食，拉麵迷務必要留意！
招牌醬油拉麵，湯底清而鮮香，帶鹽香味。 $98
鹽味拉麵，口味較淡麗，薄荷及青橄欖味更添清新。 $98
炙燒骰子丼，小巧的丼飯，配上有口感的厚切叉燒。 $35
「Tsuta蔦」開業於2012年，本店位於東京巢鴨，一向都在相當具人氣，天天排長龍，甚至排足五小時。來到香港，店家由湯底、麵餅都在店內自家製，當中以湯底最受創辦人大西祐貴重視，湯頭色清而味香，用了雞骨、蜆、昆布和魚乾，每天熬煮九小時而成，亦加入了松露油，豐富層次。招牌的醬油味湯加入了不同秘製熟成醬油而成，亦綴上一點松露醬，較為搶味；另一種鹽味湯底加入沖繩海鹽及內蒙古岩鹽，特別加了薄荷葉、番茄蓉和青橄欖蓉，入口非常清新爽香，在夏天品嘗相當配合，但兩種麵整體都屬清淡口味，走近年東京較熱門的風格。
高湯漬飯，品嘗拉麵後，可將拉麵湯底加入飯、海苔及柴魚中。 $20
全店吧檯可以清楚看到師傅煮麵，座位有21個，屬多間分店中最多。
麵條除了麵粉之外亦加了蕎麥粉，入口有彈性的同時多添一份軟腍，而且頗為吸湯，配上以豬肩肉加香草及燒烤醬油製成的薄切叉燒，肥肉較少亦有咬口。
店內就設自動點菜機，以輕觸式配合電子貨幣付款，亦可以利用手機app，排隊時預先選食物，進來再掃瞄就可以，算是加快一點點人龍流量。不過香港店跟日本和台灣店不同，並非採用「整理券」派籌制，同時每天只限400碗，由早上11時半起，售完即止，預計排長龍是避免不了。
Tsuta蔦
地址：銅鑼灣登龍街18號V-Point地下2號舖
記者：黃穎妮
攝影︰劉永發、許先煜
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
I
没有评论:
发表评论