鋤書會壓力大 林振強「聖旨」點評
林振強每周會寫批判書，點評《壹週刊》故事內容。
【本報訊】《壹週刊》多年來的經典報道多不勝數，曾在1995年任《壹週刊》時事組副總編輯的「堅哥」葉一堅，今年3月接受《壹週刊》訪問時透露，雜誌的成功「係肥佬（黎智英）壓力下逼出嚟」。
屢被點名即「照肺」
《壹週刊》出名開會壓力大，尤其是鋤書會，即檢討大會。開會的原則是要夠「狠」，大家互相抨擊故事有何不完善之處，所以一篇成功出街的報道背後，記者及編輯必須要全力向老總及社長「sell古仔」，還要面對不留情面的批評。
據悉，創刊初期，黎智英會下令於鋤書大會上宣讀林振強之每周批判書，猶如讀聖旨。若被點評為「悶」、「唔好聽」、「呃秤」、「圖片曳」、「唔知講乜」，一定飽受教訓。若數度被點名，就會被老闆「照肺」，甚至有機會飯碗不保。
堅哥指出：「講起肥佬黎，即係佢個人嘛特別惡，老闆呀嘛，壓力真係好大，我哋初頭鋤報時，腳都軟呀大佬，特別係鋤報，你哋（記者）𠵱家壓力可能冇以前咁大，起碼唔會有肥佬坐喺度嘛，佢好大隻㗎嘛，你坐喺度腳都軟，以前啲人鋤報，話你隻古仔一流呀，失眠睇就啱晒呀，即係話你隻古仔悶呀。」
■記者溫婉婷
I
没有评论:
发表评论