【捉精靈熱潮】超夢夢現身即轉玩法　訓練員唔多Like

Technology

當超夢夢（Mewtwo）在日本橫濱「Pokemon Go Stadium」玩家活動中現身後，唔少玩家都好期待可以在團體戰中打低及捕捉得到超夢夢，不過點知《Pokemon Go》開發公司Niantic突然轉玩法引入新「VIP團體戰」，要被邀請的玩家先有機會跟超夢夢對打。官方話只要在近幾星期有在特定道館打贏過團體戰的話，就有可能被邀請參與限時限地方的VIP團體戰，至於幾時先會進行、哪些道館會舉行VIP團體戰及每場有幾耐時間（正常為2小時），暫時未有公佈，玩家目前唯一可做就是去自己未打過團體戰的道館打大佬（唔一定是神獸），增加被選中機會。

超夢夢將會在新「VIP團體戰」中登場，受邀的訓練員先可以參加。

當官方公佈新玩法後，世界各地精靈訓練員意見呈兩極化，因為四隻已出場的神獸將會由即日至9月1日再次登場，有訓練員指之前捉神獸時都「煙晒」（捉不到），今次是補飛機會；但亦有訓練員對課金買入場券後竟然只可捉回已現身的神獸感到不滿，亦有訓練員質疑就算得到官方邀請參加VIP團體戰，都唔一定可在指定時間及地點到場。

資料來源：Niantic

記者：布偉倫

2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily

Z88

只是过客

2017年8月15日星期二