https://hk.news.appledaily.com/local/daily/article/20171214/20244263

隔牆有耳：子強Oppa出書吸韓粉 - 李八方

香港好多文化人同學者，都會喺兩岸三地出書，有啲又會出英文版嘅書，主攻英語世界，但係出韓文版嘅書，就真係好少聽聞，中大政治與行政學系高級講師蔡子強最近竟然可以將佢本講領袖飲食習慣同政治關係嘅《大人們的餐桌》，繙譯成韓文版（圖）喺韓國推出。
點解佢有機會喺韓國出書？原來要多謝喺台灣幫佢出《大人們的餐桌》嘅出版商時報出版社。時報出版社一向好積極幫助佢旗下嘅作者進軍海外市場，今次就係由時報出版社幫《大人們的餐桌》搵韓國書商出書，出版商仲搵咗一位喺韓國梨花女子大學獲得繙譯碩士學位、韓國淑明女子大學中文系畢業嘅繙譯高手，幫蔡子強本書譯成韓文，連韓版嘅封面都重新設計，封面字體鍍上赤金，可謂相當重視。

...................