馬拉松驚魂 - 左丁山
四月十五日晚，參加吳嵩50歲壽宴，七時到達，已見有不少朋友在場，見到練馬師阿Me，佢隔籬係陳師傅，又有王晶，問大導演：「下一部新戲講乜呀？」王大導話：「賭城風雲」，咦，應景噃，有賭城就必有賭神，唔通又搵發哥擔大旗？王大導只係話：「搵大明星啦！」王晶每年都搵陳師傅批一批，左丁山雖與陳師傅唔多熟，亦大膽開口問一問：「師傅，今年流年點呀？」陳師傅答得好短：「唔好去美國旅行，尤其是東岸。」左丁山於是對阿Me講：「聽到未呀，暑假唔好去美國東岸旅行呀。」
次早凌晨起身，開着iPhone睇新聞，大吃一驚，波士頓馬拉松大賽發生爆炸，二人死亡（後證實三人死），多人受傷。點解大驚？一來在體育盛事放炸彈，必屬恐怖行為，911襲擊紐約（飛機由波士頓起飛），415襲擊波士頓，好得人驚啫。二來八個鐘頭前先至聽到陳師傅警告，唔好去美國東岸，真係咁邪？
一知道波士頓馬拉松，就想起恒生銀行張樹槐，佢有冇去咗波士頓參賽呀？點樣搵到佢呀？但跟住睇新聞，有好多新消息，睇睇吓已要返工，一開工有好多事要兼顧，都唔記得咗打電話搵張樹槐，到咗黃昏時分，收到張樹槐電郵：「各方好友知道我喜歡到不同地方參加馬拉松比賽（至今已完成五大洲40個比賽），故紛紛擔心我是參加今屆波士頓馬拉的一份子，今早7時開始不斷收到電郵或來電問候（當中包括來自政、商和體育界的好友，甚至遠在加拿大的朋友），實在令我很感動，深感友情可貴，亦感謝大家關心。」
咁就放心啦。隔咗兩日，在陸羽飲茶，問公子Ｌ：「你有兩位波士頓大學師妹，來自中國大陸，一死一傷噃，假如你仍在波大讀書，會唔會同香港同學去睇馬拉松？」公子Ｌ感嘆話：「馬拉松係波士頓一年一度盛事，金融區嘅公司因封路，大都放假一天，我有親戚在金融區工作，佢打電話返嚟報平安，驚呼好險，好險，馬拉松賽終點在中心商業區，類似中環遮打道，中午時分街上如車水馬龍，如果唔係放假，我嘅親戚好可能身在其中。有BU師妹死傷，實在難過，希望盡快捉到兇徒。」果然好快，原籍車臣兩兄弟放炸彈，一死一落網，有咗智能電話後，在公眾地方犯罪，插翼難飛。
次早凌晨起身，開着iPhone睇新聞，大吃一驚，波士頓馬拉松大賽發生爆炸，二人死亡（後證實三人死），多人受傷。點解大驚？一來在體育盛事放炸彈，必屬恐怖行為，911襲擊紐約（飛機由波士頓起飛），415襲擊波士頓，好得人驚啫。二來八個鐘頭前先至聽到陳師傅警告，唔好去美國東岸，真係咁邪？
一知道波士頓馬拉松，就想起恒生銀行張樹槐，佢有冇去咗波士頓參賽呀？點樣搵到佢呀？但跟住睇新聞，有好多新消息，睇睇吓已要返工，一開工有好多事要兼顧，都唔記得咗打電話搵張樹槐，到咗黃昏時分，收到張樹槐電郵：「各方好友知道我喜歡到不同地方參加馬拉松比賽（至今已完成五大洲40個比賽），故紛紛擔心我是參加今屆波士頓馬拉的一份子，今早7時開始不斷收到電郵或來電問候（當中包括來自政、商和體育界的好友，甚至遠在加拿大的朋友），實在令我很感動，深感友情可貴，亦感謝大家關心。」
咁就放心啦。隔咗兩日，在陸羽飲茶，問公子Ｌ：「你有兩位波士頓大學師妹，來自中國大陸，一死一傷噃，假如你仍在波大讀書，會唔會同香港同學去睇馬拉松？」公子Ｌ感嘆話：「馬拉松係波士頓一年一度盛事，金融區嘅公司因封路，大都放假一天，我有親戚在金融區工作，佢打電話返嚟報平安，驚呼好險，好險，馬拉松賽終點在中心商業區，類似中環遮打道，中午時分街上如車水馬龍，如果唔係放假，我嘅親戚好可能身在其中。有BU師妹死傷，實在難過，希望盡快捉到兇徒。」果然好快，原籍車臣兩兄弟放炸彈，一死一落網，有咗智能電話後，在公眾地方犯罪，插翼難飛。
发自我的 iPad
没有评论:
发表评论