蘋果日報- 響應明哥每月一次饗基層 捱過苦老闆請食鮮鮑Brunch

【本報訊】窮小子白手興家經營樓上咖啡店搵第一桶金，最近轉戰尖沙嘴商場開新派中餐館，以填補童年未嘗上茶樓用膳的滋味；捱餓點滴在心頭，決響應愛心飯店「明哥」號召，下月推出中式鮮鮑Brunch，每月最少一次供草根免費享用，「我捱過餓，知道三餐不繼滋味，𠵱家有能力，請有需要朋友食飯，唔係乜嘢大事。」


記者：蔡朗清

■捱着肚餓長大的郭翊請基層食鮑魚Brunch，由12時半食到4時半，供應的食物與收費餐一樣。謝榮耀攝

郭翊（Andrew）今年38歲，小六時父親生意失敗破產，家庭支柱頓失，銀行追數，險被收樓，山窮水盡，他中二年廿八那天起到薄餅店兼職，「我嗰陣好憎屋企，點解個個咁高興過年，我就要半工讀；𠵱家諗番轉頭，係天畀個機會我學廚日後創業」。


Andrew說，那些年身無分文，上學無錢開飯捱麵包，兼職薄餅店後晚間帶走店舖不要的薄餅回家分享，「嗰陣百幾蚊個薄餅我哋食唔起，遑論去酒樓食飯」。整個中學半工讀，中五畢業轉全職，在薄餅店做廚，輾轉做銀行文員、地產代理，27歲當上警員，一做近12年，「其間設樓上咖啡店，加埋警員收入，搵咗第一桶金，近百萬元，辭工專心做食肆」。


他最近在尖沙嘴The one商場開設中式食肆大力棒棒，「過去做西餐，轉做中餐係想搵番童年失去嘅嘢，當年冇試過外出食中餐」。

逾50款食物任食

由三餐不繼，到開設中餐廳，Andrew滴點在心頭，「捱過肚餓，捱過苦，見到深水埗明哥四出派飯幫窮人，自己都係草根出身，都想幫下草根。靈機一觸，下月推出鮮鮑Brunch邀請有需要嘅人嚟享用」。


他計劃每月辦一天或兩天讓單身家庭、孤兒、窮困長者來吃Brunch，餐廳面積所限，每次最多50位，「我呼籲非牟利組織、慈善團體同我聯絡，推介一些有需要嘅人嚟享用」。


大力棒棒中式Brunch有逾50款食物任食，如蝦多士、士多啤梨小蝦球、鮑汁扣生菜等，每兩位送一隻冰鎮鮑魚，Andrew說：「免費Brunch嘅食物同收費嘅一樣，唔會減少，由12點半吃到4點半。」

■大力棒棒中式Brunch有逾50款食物任食