【古怪周邊】Apple Watch錶帶變叉電線　仲內置128GB

對於叉電線，可以話多多都唔夠，成日隨身帶，隨時要幫智能手機補充電源，不過更重要係成日都唔見！

最近在網上集資平台INDIEGOGO發現這款CharSpace，佢係一條Apple Watch錶帶造型的叉電線，而錶帶的兩頭，一邊係Lightning插頭，另一邊就係USB，大家需要叉電時，只要取下智能手錶就可以了。你問我有冇不足之處？當然有啦！錶帶已經可以過電，點解唔加埋無線叉電器功能，喺中間幫Apple Watch叉埋電呢？不過幸好CharSpace還有內置記憶體功能，最高內建128GB，都算相當實用。

另外仲收到風，此錶帶還會推出Android版本，Samsung、Pebble同Moto都有對應錶帶推出。售價255美元（約港幣$1,976）。