【十城十介】遊泰攻略 精選十件手信二百蚊入手
每次去旅行都要幫朋友買手信，每個人都落柯打，邊有咁多budget呀？今次近近地去到同香港相隔約三個鐘機程嘅曼谷，一於去搵媖有乜既實惠又帶得返香港嘅好嘢，挑戰用蚊港紙買七款共十件手信返香港！
一、即沖青檸紅茶、泰式奶茶 60泰銖（約$15）
呢款即沖青檸紅茶，品牌大家見慣見熟，但來到泰國當然用番泰式茶底先夠地道。最耳目一新之處係佢嘅檸味並非來自平常飲開的檸檬， 而係青檸，聞上去都清新啲。香港有港式奶茶，泰國亦有泰式奶茶，不過一般偏甜偏濃味。呢款即沖泰式奶茶沖出嚟即見到泰式茶嘅iconic橙紅色茶色，一袋有13包，可以同朋友開心share。
二、手標泰式紅茶 130泰銖 （約$32）
擔心太甜的話，呢款泰式紅茶應該適合你口味，裏面已經分好小包茶葉夠晒方便。鍾意濃味啲可以揀金色罐裝，手掌大嘅size放入篋，容易拎返香港。
三、泰國限定味道薯片：泰式辣海鮮青檸味、烤帶子味 39泰銖 (約$10)
除咗前排好興嘅期間限定笑笑口包裝薯片，亦有長期都見到嘅泰式辣海鮮青檸味薯片，味道唔太辣，帶少少甜酸，好容易就吃完一包。今次去到亦見有烤帶子味薯片，仲係厚切波浪型，好有咬口，鍾意爽脆嘅人唔好錯過。
四、泰國限定味道百力滋：芒果、 香蕉朱古力、冬蔭功 10盒120泰銖（約$30）
雖然香港有唔少外國直送零食店，但去到曼谷又點可以唔平掃當地限定味道百力滋呢？芒果、 香蕉朱古力、冬蔭功等都有，有辣有唔辣，任君選擇。不過最重點係，曼谷大型超級市場入面，優惠包裝嘅一pack十盒百力滋都係120泰銖，計番港幣都係約3蚊一盒，好抵！
五、即食冰糖燕窩 99泰銖 （約$25）
冇錯，呢個品牌嘅燕窩香港都有得買，喺香港嘅零售價6樽約$248，曼谷便利店就賣99泰銖，即是港幣25蚊都唔使，平近乎三分一，買返去孝敬媽媽先。
六、便攜式蚊怕水 35泰銖（約$9）
香港夏天又濕又熱，呢排又蚊又多蠓，真係聽到都覺得痕。呢款蚊怕水細細支，隨身攜帶夠方便。記者平時非常惹蚊，今次親身試過，成日都冇畀蚊咬，值得一試。
七、青草膏 37泰銖（約$9）
小金屬盒載住的青草膏，聲稱可以搽喺被小昆蟲咬傷部位，紓緩皮膚痕癢，唔少人都會買番一兩盒返屋企「看門口」，不過青草膏含有5.48%尤加利精油（Eucalyptus Oil）同1.76%樟腦（Camphor）成份，皮膚容易敏感同有蠶豆症（G6PD缺乏症）人士便要留意了。
買完以上七款共十件item，都不過使咗$187，二百蚊有找喎！曼谷要買泰國味道手信，其實唔難。
記者：黃樂雯
《十城‧十介》每次推介都會製作成收藏卡，按下面連結再下載，外遊時就可以行到邊睇到邊啦！
下載《十城‧十介》：http://bit.ly/29RgRk0
每次去旅行都要幫朋友買手信，low budget時點算好？今次近近地去到同香港相隔約三個鐘機程嘅曼谷，一於去搵媖有乜嘢實惠又帶得返香港嘅好嘢！
I
没有评论:
发表评论