https://hk.finance.appledaily.com/finance/daily/article/20180221/20310493

芬蘭太凍零物慾「iPhone都死機」

Melody指，芬蘭不似香港方便，落街就是商場，衫都買少件。

【本報訊】記者遠赴芬蘭一星期，其中一個最大的體會就是「冇啖好食」，芬蘭菜太鹹，中菜又過於「地道」。於當地生活數年的Melody表示，她發夢亦想念香港的食物，同時因此而練得一手好廚藝，真正入得廚房，出得廳堂，笑言「我煮嘅嘢食，一定好過佢哋（中餐館）！」

「有一次瞓教肚餓餓醒，發夢見到燒賣蝦餃，之後矇矇鬆鬆行咗去雪櫃度，打開冇叮叮（點心）之後返去瞓。」「冇啖好食」令Melody一有時間就鑽研廚藝，更特意叫母親由港寄出食材，「有啲中菜好似臘腸買唔到，梅菜買唔到」，而她得意之作就要數到最近學識的紅燒肉。

廚藝猛進，但有一樣卻比在港時大減，就是物慾。本身在香港修讀時裝設計的Melody指，芬蘭不似香港方便，落街就是商場，衫都買少件。「而家就係簡簡單單H&M，上一次買衫已經是上次返香港」，在天氣寒冷的芬蘭，冬天一件外套就已成了她的標誌。

另外，芬蘭的天氣凍得連iPhone都會死機，「我呢度有部iPhone（凍得濟）用到50%自己死機」。這令她亦懶得再追新款手機，「我見到有iPhone X，我覺得好surprise」，通常只得旅客會用，「呢度啲人就算爛咗、裂晒都唔換，但其實佢哋有錢㗎」，她舉例以前在芬蘭留學時的「爸爸」，就仍用號稱「地表最強」的Nokia 3310。

...................