蘋果日報- 陸羽點心 - 左丁山

陸羽點心 - 左丁山

早知道肥佬黎經常去陸羽飲早茶，有一次佢話一個人飲茶無癮兼且起身遲咗，九點幾叫左丁山去陸羽陪佢傾吓偈，咪走去食件包囉。估唔到佢平時早到六時十五分（根據李八方於六月二十八日報導）已在陸羽地下嘆茶，佢以前話過每早四點鐘起床讀書，大概搞到五點幾就由司機車佢去中環陸羽啩，相信佢唔係黃宜弘（被舊司機入稟法庭追討），司機晨早返工，唔會嘮嘈嘅。

 星期五走上陸羽，夥計笑曰：「左生你早啲到就有免費點心食呢，黎生實會請埋你！」講笑，早上六點幾點可能人在陸羽噃！黎生請記者吃蝦餃、燒賣、叉燒包，每碟四十元，共一百二十元，對黎生濕碎到極。下次記者如站在門口，黎生心情好請吃點心嘅話，記者不妨叫煎粉果連湯（68元），鮮牛肉燒賣（45元，包冇豬肉夾雜），柱侯蒸排骨（45元，唯靈話係全港唯一用新鮮肉排嘅排骨燒賣），再整多一味蓮子蓉香粽（42元，號稱全港最正嘅蓮蓉粽）。價錢係貴啲，但黎先生請，有乜所謂吖。

食食吓，餐飲Ｍ話都爹利街上海灘樓上開咗一間新餐廳「都爹利會館」，係一班有錢有魄力嘅富二代、富三代經營嘅，即係The Press Room、Classified嗰個集團，故此走高級路線，Ｍ太去試過，對啲粵式點心讚不絕口，但因為價錢幾貴吓，故此生意甚為清靜，叫左丁山趁佢未旺之前，走去試一試。皇后大道中九號有間Island Tang（港島廳）就在都爹利街對面，啲點心亦有高水準，價錢當然不便宜，但生意旺咗之後，餐枱與餐枱之間也就冇乜空間可言，坐得幾擠迫，或者有客人因此而走咗去都爹利會館都唔定。

高格調高檔中餐廳在中環通常在晚上與假日要捱，等時間積累一批熟客，經營者如無資金支持，十分難捱，最怕捱得咁上下，廚師走咗，廚房換人，青黃不接之際，熟客會走晒，便難翻身。都爹利街晚上好清靜，Classified集團選擇在此開新餐廳，可說錢多人膽大，亦係實力雄厚之表示，咁又係嘅，老闆之一係龐太嘅孫，娶咗彤叔個孫女，雙劍合璧，確實非同凡響。

蘋果日報- 腫瘤如何形成 - 陶傑

腫瘤如何形成 - 陶傑

如果二○一七年沒有公正的普選，據說香港就會墮下懸崖。

 二○一七年普選這一關，中國遲遲不敢硬闖，但沒有辦法，自從收回香港主權，普選即是「港人治港」的目標。

然而拖到現在，許多親中派人士反問：「如果普選出了個『長毛』當特首，怎麼辦？」

答案是：即使第一屆普選，選出了梁國雄先生做特首，中國、香港財團、工商界，也要承受這個後果。

因為，即使視「長毛」為社會的腫瘤，也要認識，腫瘤是如何形成的。

英國管治香港的時候，長毛和他的「革馬盟」，崇尚托洛斯基，是一群無政府主義者。英國人對左翼思潮十分了解，工黨也有這一翼，譬如貴族出身的理想主義者彭東尼（Tony Benn），要求廢除皇室，行徹底的民粹。

本來癌細胞是人體正常的裂變，健康的人，新陳代謝，正常細胞分裂生長的速度，比癌細胞快，所以年輕人的癌症風險低。

英國人管治香港的過渡期，本來想推進新陳代謝的代議政制：如果工商界、財團、專業團體、左派，都及早在英國人安排下起步普選，香港早就有了自己的保守黨、國民黨、工黨，有成熟的政治家，他們以理性的政見，加上言談的魅力，成為民主的「正常細胞」，可以壓抑民粹的腫瘤。

但是中國自我延誤時機，普選一味向後拖。特區十六年，沒有普選，但世界潮流，浩蕩所至，下一代覺醒了，有此強烈訴求，但香港民主的新陳代謝，因中國的阻撓，拖慢下來，如果「長毛」是癌症，那麼活該，他本來不可能在普選中勝出，正如彭東尼不可能成為英國首相，現在，若有普選，他有很大機會了。怪香港下一代人不「理性」？不，怪你自己蠢而已。