�果日�- �保�踩7.1�行：出�多�做乜？

鄺保羅踩7.1遊行：出咁多聲做乜？

【記者姚國雄報道】身兼全國政協委員的聖公會大主教鄺保羅（圖）周日主持講道，批評有人經常要求他發聲，令他有感「唔出聲就會啞」。他舉例指耶穌被判死刑時也是默默無聲，認為有些事「無聲勝有聲」。鄺批評在佔領遮打道被拘捕的學生到警署後要求上洗手間和食物，反諷他們「不如帶埋菲傭去遊行」。


當社會各界高唱《問誰未發聲》，希望凝聚力量爭取真普選，鄺保羅在周日講道中稱，不滿經常有人要求他發聲：「𠵱家啲人見親我、或者教會嘅領袖，一定會話：『我哋要發聲！成日都要出聲，乜都要出聲，明唔明？一定要抗爭。』唔知成日出咁多聲做乜？好似唔出聲就冇機會，就啞㗎啦。」他更舉例指耶穌面對被判他死刑的人面前也沒發聲：「佢好似一隻被宰殺嘅羔羊，默默無聲！有陣時唔係一定要出聲嘅，無聲勝有聲。」

「不如叫佢遊行帶埋菲傭」

鄺這次講道時長17分鐘，內容主要批評議會暴力和7.1遊行：「上星期遊行，有個年輕人俾記者問點解第一次出嚟遊行？佢話：『係呀，今年唔出嚟，出年就冇㗎啦！』」吓？遊行絕後喎，咁我都應該去遊行，帶晒主教帽，帶晒像去啦。」


不少人也受學生和平佔領遮打道而感動，對學生到警署被剝奪權利而憤怒，但鄺不以為然：「（警方）捉咗啲學生，第一時間同啲記者講『哎吔！我哋又冇飯食、去廁所又要排隊。』我心諗，記者又唔訪問我，（我會話）不如叫佢遊行帶埋菲傭去囉。」他又認為香港從來無自主：「香港幾時有自主？香港係高度自治㗎咋嘛。」


民主黨立法會議員劉慧卿指鄺不應如此批評有理想的學生，認為其言論像發晦氣：「唔少地方宗教領袖，都同群眾一起爭取民主自由，但佢就唔係幫市民打氣。」


鄺過去曾發表「普選不是萬靈丹」的言論，指出不贊同以公民抗命手段爭取普選，對於和平佔中有保留。

鄺保羅部份言論
•「𠵱家啲人見親我、或者教會嘅領袖，一定會話：『我哋要發聲！成日都要出聲，乜都要出聲，明唔明？一定要抗爭。』唔知成日出咁多聲做乜？好似唔出聲就冇機會，就啞㗎啦。」


•「耶穌喺彼拉多（判耶穌死刑的人）面前唔講嘢，佢好似一隻被宰殺嘅羔羊，默默無聲！有陣時唔係一定要出聲嘅，無聲勝有聲。」


•「好似上個禮拜，（警方）捉咗啲學生，第一時間同啲記者講『哎吔！我哋又冇飯食、去廁所又要排隊。』我心諗，記者又唔訪問我，（我會話）不如叫佢遊行帶埋菲傭去囉。」


•「上星期遊行，有個年輕人俾記者問點解第一次出嚟遊行？佢話：『係呀，今年唔出嚟，出年就冇㗎啦！』」吓？遊行絕後喎，咁我都應該去遊行，帶晒主教帽，帶晒像去啦。你睇吓啲人講到『嘩！好似成個香港變啦，乜都冇晒。』好多人好信呢啲嘢。因為我相信呢啲人心裏完全冇平安，佢只係收一方面信息，個腦筋完全唔識得去分析。」


•「又有人話：『我哋香港一定要抗爭、我哋香港冇晒自主㗎啦！」香港幾時有自主？香港係高度自治㗎咋嘛。」

�果日�- 警察�公安

警察變公安

警察員佐級協會前日發聲明批評7.1遊行有人製造混亂，將和平示威者說成「尋釁滋事」。民陣反駁指該聲明將示威者扣上內地用來打壓異見人士的「尋釁滋事」罪帽子，反映鷹派情緒在警隊蔓延，警方高層將前線警員和示威者放在對立面。佔中倡議人朱耀明及學聯斥香港警察「公安化」，令港人自危。
記者：謝明明

民陣：鷹派當道，令前線與示威者對立

學聯：員佐級協會以「尋釁滋事」形容示威者，失港人信任
民陣召集人楊政賢昨表示，警察員佐級協會的聲明是「未審先判」，將示威者形容為「尋釁滋事」，反映鷹派情緒在警隊蔓延。

■警方早前出動大量警力圍捕佔領遮打道的和平示威者。

憂更肆無忌憚濫用權力
楊政賢盼前線警員明白，他們不是站在對立面，與示威者對立的是警隊高層與政權，「你哋嘅上級好多嘢冇話畀你聽」，「尋釁滋事呢個罪名係內地當局攞嚟打壓異見人士嘅罪名，呢個聲明一來極之罕見，二來加深警民之間矛盾同衝突，將示威者定義為尋釁滋事，警方打壓示威者，濫用警權時更加肆無忌憚，心安理得」。學聯秘書長周永康表示，該協會對示威者的指控無理，希望他們謹慎用字，否則會被認為香港警察已公安化。他們如再用內地字眼，只會令市民進一步失去信心。


內地維權律師浦志強參加六四25周年紀念研討會，內地公安就是以「尋釁滋事」的惡法將他拘留。佔中發起人之一的朱耀明直斥：「𠵱家警察已經公安化，呢個係大陸政權用呢種事情去拉人……警員用呢種觀念套用香港法律，好危險，如果佔中三子開會，你走上嚟，都可能係尋釁滋事，用呢種非香港法律概念嘅文字放在香港，人人自危。」


警察員佐級協會主席陳祖光昨接受港台訪問時解釋，用「尋釁滋事」這個詞只是出於字面解釋，沒考慮內地公安的用法。他稱，發聲明是因為收到不少會員反映當日情況，希望代會員發聲。有參與當日清場的他不覺得警方使用過度武力，指有議員和監警會成員在未查清事件前就批評警方做法，是對前線警員不公平。惟他拒絕接受本報查詢，僅表示：「我喺電台已經講咗，唔會再講呢件事。」


有知情人士指，該份並非公開聲明，只供內部傳閱聲明所指的「尋釁滋事者」並非針對當晚參與集會的和平示威者，而是集會旁觀者，「當晚有部份身份不明嘅人不斷在旁叫囂，甚至掟水樽，煽動群眾，擔心呢啲人會破壞原是和平嘅集會，完全同內地嘅尋釁滋事罪冇任何關係。」


內地的尋釁滋事罪是指在公共場所無事生非、起哄鬧事、毆打傷害無辜、肆意挑釁、橫行霸道和破壞公共秩序的行為。大律師陸偉雄指出，本港現行已有多條罪行可涵蓋上述罪行，例如在公眾地方行為不檢、阻差辦公、阻街、襲警等，「足以保障香港治安同公眾秩序，我唔希香港有尋釁滋事罪，亦冇呢個必要。」


學聯批評警方當日清場行動行政混亂及肆意濫權，會就此考慮民事訴訟和投訴。學聯副秘書長岑敖暉稱，有被捕的英籍示威者未獲提供任何英文被捕文件，甚至連所簽的警告信都是中文版本。警方稱當日已按照既定程序處理被捕人士與外界溝通的要求，亦有提供食物及食水。

■學聯昨批評警方的清場行動濫權，考慮興訟。

官媒抹黑佔中「暴民政治」
工聯會屬會之一的香港海關人員總會昨發聲明撐警隊 ，指警方的執法行動展現警隊文明、專業、克制，認為有示威者稱受警方暴力對待，是別有用心抹黑。


此外，內地官媒《人民日報》海外版昨再發表針對佔中的報道，批評「香港激進反對派發起的『電子公投』與《基本法》背道而馳，預演『佔中』，更是意欲將香港帶入『暴民政治』的深淵」。

【學界佔中　黃竹坑現場】YouTube 重溫：