【本報訊】「cut單保平安好唔好？」「我想博下！」新iPhone首日開售極速跌破官方價，早前透過蘋果網上商店（AOS）訂購新機的果農心情矛盾，一方面欲取消定單卻又心有不甘，想博一博收機價會反彈，但又擔心若不取消定單而加劇跌價會蝕入肉，進退兩難。不少人都準備取消細機iPhone 6s的定單，僅繼續訂大機iPhone 6s Plus，一場近年罕見退機潮似乎正醞釀中。
透過另一途徑iReserve（預約到蘋果店取機）訂機的果農則多數冇有怕，有人指早查閱過銷售條款，確認經iReserve取機的顧客只要不打開包裝，即可有14天內原銀奉還的退貨保證，故認為已身處不敗之地。
不過，亦有網民潑冷水，指辛苦一大輪可能只賺數百元，覺得無謂：「不如返工啦，浪費時間……唔好攞機喇。」
■記者熊翠蘭
■正式開售前，又一城分店外果迷已在排隊輪候。 梁瑞帆攝
【本報訊】iPhone 6s昨正式在港開賣，四大蘋果店早上已見取機人龍，場面熱鬧。新機到手，果迷喜出望外，有人稱會送給女友、兒子，甚至未來外母，溫馨滿瀉。女藝人陳嘉桓的弟弟在銅鑼灣希慎店排頭位，在職員掌聲歡迎下，他取得兩部新iPhone 6s，他說其中一部送女友，之後在社交網站留言「開心，興奮」。
陳嘉桓弟排頭位
蘋果店原定早上8時開門，但昨早7時許各店外已有百人排隊，其中希慎店提早於7時48分開門，排頭位的紅衣青年是女藝人陳嘉桓的弟弟陳肇桓，他第一時間跑入店內領取兩部預訂的玫瑰金色iPhone 6s（128GB及64GB）。他說，128GB的新機送女友，另一部會放售，但因新機沒太多新功能，外型無大變，相信炒不起。
自小用iPhone的中二男生Thomas昨收到禮物，因為媽媽帶他到希慎店買銀色128GB新機。Thomas就讀英皇書院中二，去年考全級第五，電腦科全級第二，標準果迷的他三年前已用iPhone 5，但他指舊機仍會用來打機。
ifc店亦有溫情故事，吳先生昨日提早起床趕在上班前取機，並即場再預訂2部玫瑰金iPhone 6s 64GB，送給女朋友及女友母親。少女Kory亦買了兩部64GB銀色，一部自用，一部送給下周生日的媽媽。她說媽媽愛用手機拍照，iPhone鏡頭較靚，決定「畀個驚喜佢」。
高先生晨早由屯門乘第一班西鐵到廣東道店，排第四位的他買了2部128GB的玫瑰金iPhone 6s Plus，他稱「其中一部送畀女仔」，另一部放售。而愛家男Gary清晨6時已到又一城店排隊，今次是他首次成功訂機，他說新買的iPhone 6s Plus 64GB玫瑰金鐵定送給家人「幾多錢都唔放」。
■記者金敏琍、潘婉玲、廖梓霖
下一則: 細機恐掀退貨cut單潮
