朱凱廸臉書圖片
「票王」朱凱廸，獲8.4萬選民投票「保命」，在全港市民眾目睽睽之下，仍受死亡威脅，自己和家人安全堪虞。自投票日起已有家歸不得，連日來都在不同的地方過夜。有人目擊並發消息，原來開票當晚現場已有可疑惡勢力人士潛伏，若非朱高票當選暫保一命，傳媒添的就不止他報警求助以求保護的新聞。
自己及家人的安全受威脅，且不斷惡化至逼近眉睫才報警，可見朱一直以來承受的巨壓，香港官商鄉黑警廉勾結令市民失去信心，無法無天，人人自危──號稱除暴安良的警方，如何看待此事？
看李波、林榮基等銅鑼灣書店五人「被失蹤」；周永勤遭威逼利誘及更高層次恐嚇無奈棄選；廣東汕尾烏坎村維權書記林祖戀「被受賄」閃判囚三年一個月兼罰款四十萬元人民幣，數千村民連續80日風雨不改在村內遊行示威，林仍被「釘死」……這些是大家知道的，但不知道的更多，都有「人質」。
霸權手段卑劣，維權人士異見份子豁出去，但仍牽連父母家人妻小，歌詞「男兒天職保家眷，兒啼妻哭內心撩亂……」，是《決戰前夕》的兩難，也是有血性者死穴。
上一則: 香港政壇悲劇 - 曾志豪
下一則: 「曉明好，特首好。」 - 尊子
今年立法會競選激烈，報名參選名單之多破了紀錄，太多人參選就會出現民望參差情況，到咗投票前幾日，就陸續有民意落後太多嘅候選人宣佈退選，例如港島區關永業、司馬文、何啟明等。明知實輸而棄選，無可厚非，死雞撐飯蓋只係浪費時間，浪費選舉金錢嘅啫，政治現實往往好殘酷，滿懷浪漫再投入太多情感，不理智思考嘅人，一啲都唔適合從政，返學校讀書追求純情更好。外國人就夠理智現實嘞，譬如司馬文一話唔選，就為羅冠聰站台，幫羅冠聰贏得立法會議席，23歲成為歷史上最年輕立法會議員，反之另一位關永業棄選，就話係政治上最黑暗一天，如果有機會嘅話，點解唔堅持落去呀？
有純情派話棄選係辜負選民期望，其實又係多餘，假如某區四十萬選民，得1%至2%支持你，即係4千至8千人，而有三十九萬多人反對你，識計數就立即走人啦，一小撮支持者點會怪你？今年美國共和黨總統初選有16人參加，選咗唔夠十零次，就陸續有人退出，有名氣嘅Jeb Bush黯然引退，大有希望嘅羅比奧、告魯士最後亦宣佈棄選，唔通佢地又對唔住選民？當時係形勢比人強，在既定遊戲規則下，特朗普係贏梗初選嘅，冇希望咪即走囉，美國政壇及選民從來冇怪責杰．布殊、羅比奧、告魯士等人。對比一下香港評論界及政界就係幾婆婆媽媽，搞政治講感情嘅。
投票前，不少人批評民調唔準，不可信，事後檢討，民調準唔準？9月3日幾張報紙刊出鍾庭耀最後滾動民調，比對最後結果之下，九龍東中100%，九龍西前6名中5名（黃毓民輸咗），新界西9名全中100%，港島6名中5名（王維基例外），新界東調查準確性最差，9席中6席，低估咗陳志全、張超雄與容海恩。總計之下35名入選議員之中，港大民意調查計劃民調中咗30名，命中率係86%，十分有水準。另外，親建制嘅香港研究協會在大公報（9月3日）發表調查，九龍東5席全中，九龍西6席全中，新界西9中8（嚴重低估朱凱廸票），新界東9中6，港島6中4（測唔中許智𥧌、羅冠聰），35席估中29席，比率係83%，都唔算曳。呢啲數據充份顯示，民意調查好有參考價值，盲目不相信民調，批評民調不科學嘅從政人士，有時死咗都唔知點解。今屆棄選人士其實一早棄選更加對自己有益。
上一則: 萬古河山 - 陶傑
下一則: 香港政壇悲劇 - 曾志豪
