智取大市：習近平之大冒險 - 晉佳 | 2017-10-19 | | 蘋果日報

http://hkm.appledaily.com/detail.php?guid=20187167&category_guid=15307&category=daily&issue=20171019

智取大市：習近平之大冒險 - 晉佳

習近平喺十九大開幕會份政治報告，讀出「創新」41次，讀「小康」16次，呢兩個詞語的確係過去5年中國發展重點。乜創新都好，中央近5年多數採取放任態度，喺初期無規無矩之下，由得你去試新嘢，當出出哋事嘅時候，先定潛規則或負面清單去規範，最後成功快一步去創新，缺點係睇唔實就隨時失控。例如餘額寶，當初都係無秩序亂咁嚟做，到最後成為主流理財渠道，暫時睇係成功例子。中國呢種模式鼓勵創新，亂得嚟有其套路。
「小康」又點？中國經歷近幾年樓市瘋癲，造就唔少農民地主變土豪，一線城市急促發展，令到普通市民收入力追國外發達城市嘅水平，至少中國一線城市嘅中產已經係真中產，大學畢業生嘅入職薪酬亦爬過台灣水平。亂咁印銀紙，部份國民富起來，突破中等收入陷阱係原本不可能嘅經濟終極大任務，得咗就王朝千秋萬世，但同時形成龐大嘅金融泡沫有待收科，無論係成功避開定不幸引爆金融泡沫，保住「小康」係一大關鍵。
習近平好似驚都未驚過咁款，通常頂尖領袖就係咁，就算個煲有幾大，就算未諗到解決方法，都自信滿滿去到最後能迎難而上。正如一個魔術師，玩到完晒啦！差唔多俾人除晒衫！都能夠喺頂帽度抽隻白兔出嚟！但我哋作為蟻民，到樓市唔對路時始終要走，皆因命得一條。

Z88

陌生的香港 - 高慧然 | 2017-10-19 | | 蘋果日報

http://hkm.appledaily.com/detail.php?guid=20186966&category_guid=vice&sup_id=12187389&category=daily&issue=20171019

陌生的香港 - 高慧然

朋友三十年前移居加拿大後甚少回香港，前段時間回香港兩個星期，重找她心目中的人情味和美食，誰知大失所望。
「香港人變得沒有人情味了。」她說。多年未返香港的她，走在街上會迷路，好幾次停在路邊問路，剛打算開口，路人看到了，匆匆加快腳步離去。
「香港人忙到連指一指路的時間都沒有？」她問我。遊客太多，尤其是不太受歡迎的遊客太多，香港人的確失去了耐心。
更令人失望的是食物。無論便宜的，或昂貴的，都很難吃，她說，「以前就算十零蚊一碗雲吞麵、炸醬麵都回味無窮。」
我努力尋找原因：「租金太貴了，食材來源也差了。」我說着帶她去一間老字號、相信老闆已買下鋪位的雲吞麵店試食，那裏的麵、手打魚蛋、炸魚皮都是招牌食物。結果來到門外，正好見到店員把新鮮炸出來的一大盤炸魚皮放到門口行人道上，不知是用來攤凍，還是等人取貨。一大淺鋅盤，直接放在路面，沒有任何遮掩，就在我們腳邊，而我們是一度打算進去用餐的顧客。見此情形，我們當然放棄了。伙計如此隨意把食物放到門外地下，做慣做熟的手勢，毫不顧忌被顧客看到，既不尊重顧客，也不尊重自己出產的食物。朋友說，「香港食肆變成這個樣子，不只是租金和貨源的問題吧？」我閉上了嘴，無話可說。

Z88