黎姿有計
2011年10月07日做咗幸福少奶奶嘅黎姿，上周六國慶日（ 1日）喺半島酒店 7樓花園套房包場，搞四十歲生日 party睇煙花。圈中唔少老友好似蒙嘉慧、伍詠薇等都嚟賀壽。
啱啱 7月至同孖女（家蔚同家鎂）開一歲生日會嘅黎姿，汲取咗上次經驗，為免一對孖女及細佬黎嬰成為傳媒焦點，今次預先劃好攝影區，安排好保鑣駐守，事前又公告天下，講到明會喺前門出入，俾傳媒影相。據知當日四點半左右，黎姿大搖大擺喺正門出現，企定定俾大家影靚相之際，孖女同黎嬰已經暗度陳倉，由酒店嘅秘道入內，避開晒所有傳媒視線，黎姿呢招聲東擊西，掂！
圈中好友伍詠薇及蒙嘉慧特來到賀，伍姑娘熱情繑住男友人，而老公練海棠則吻賀壽星女。
據知黎嬰的康復進度理想，有時仲會返美容中心 Cosmax打點一切，但黎姿始終唔想細佬被傳媒影相，所以由秘道運黎嬰出入。
7月的生日會，黎姿一對孖女家蔚及家鎂成為傳媒焦點，為免今次再被傳媒追住影，今次酒店特別安排了秘道讓她們進出。
没有评论:
发表评论