離席密斟
7月 7日晚，霆鋒與拉姑偕老公鬍鬚 Kong及車婉婉等人在海港城晚飯。吃飽頭盤霆鋒偕母親離席出外密斟。
娛聞樂
直擊與拉姑對話 霆鋒心雄擲一億開戲
2012年07月27日近年謝霆鋒事業運起，他在中環擺花街買舖做舖王，現手持 5個合共市值近 3億的舖位，被封為「擺花街李嘉誠」。年底更會為自己創辦的製作公司「 PO朝霆」上市。
日前，本刊發現霆鋒偕母親狄波拉與好友車婉婉等人，在尖沙嘴海港城開餐。其間霆鋒拉姑多次離席，記者現場直擊兩母子在超市內的對話，更聽到霆鋒向拉姑透露將密謀投資在內地搞電影的種種大計，吓吓億億聲。
32歲的霆鋒，識得錢搵錢，現時坐底有八億身家，難怪老闆楊受成都話：「佢就 嚟多錢過我。」自與張栢芝離婚後，謝霆鋒的事業運一發不可收拾。除了電影部部賣得，去年憑《 綫人》攞影帝後，片酬更升呢企硬至 1200萬。去年他公開在 03年已開設的後期製作公司「 PO朝霆」，生意愈做愈大，在上海及北京開分公司之餘，公司更會在年底上市，霆鋒逐步以商人身份掛帥。
拉姑唔放心
當霆鋒向拉姑提及有望短期內集資開拓內地電影市場時，愛兒心切的拉姑隨即緊皺眉頭，憂心忡忡。
轉彎避友人
霆鋒一講到返大陸開戲，原本已行到餐廳門口的拉姑，忽然掉轉頭行入家品部角落，明顯唔想友人聽到。
霆鋒以往與拉姑關係較疏離，早年與栢芝結婚，更是先斬後奏，激到拉姑紮紮跳。但霆鋒自去年與栢芝分開後，兩母子感情反而有增無減。
婉婉賜教
近年車婉婉打理母親開創的「車氏粵菜軒」，搞得有聲有色。有意加入飲食界的霆鋒，最近亦密密向女方請教，飯局當晚她也是座上客。
蠟頭 着老西
本月 7日（周六），難得唔使拍戲，日頭陪完兩個乖仔 Lucas及 Quintus的霆鋒，晚上便陪母親拉姑及其夫鬍鬚 Kong、好友車婉婉等人，到尖沙嘴海港城 city'super內的餐廳包場晚膳。
現場所見，即將成為上市公司主席的霆鋒，衣 着亦大不同。以往經常不修邊幅唔梳頭、唔剃鬚兼一衫一褲走天涯的他，當日則西裝筆挺，把頭蠟得企理，一副大商家模樣出現餐廳。
霆鋒一行人約於八時許陸續到達餐廳。吃至中段，霆鋒與拉姑走到餐廳外的超市來回踱步傾心事，明顯不想讓席上友人知道。現場所見，霆鋒最初只向母親分享做製作公司的樂趣：「頭先剪埋條片先出嚟，剪到唔捨得走。以前淨係顧住死做爛做，依家顧埋後期，好玩好多。」
揾銀養仔
自與栢芝離婚後，霆鋒事業起飛，近日除涉足飲食界，亦打算投資開戲做電影老闆。狂錢，都係想搵定筆可觀教育基金俾兩個仔。《蘋果日報》圖片
霆鋒密謀擲一億在大陸開戲，至於被指票房毒藥的栢芝，早前則在國內開經理人公司，更簽了張馨予做旗下藝人。兩人雖然做唔成夫妻，但搵錢方向一致，同樣北望神州。
拉姑幫手搭路
其後霆鋒愈說愈興奮，十足開籠雀，不時將聲浪扯高，但當有途人對霆鋒兩母子駐足觀望，兩人即顯得避忌，擰轉面行另一方向。記者聽到霆鋒繼續說：「搞掂年尾 嗰度（估計年底上市一事），我想 喺大陸開戲，有人同我斟拍《文天祥》，自己搞計過應該唔使一億，會搵啲大星傾吓，佢哋瓣數多夠經驗。」雖然霆鋒對開戲興致勃勃，但拉姑卻顯得憂心忡忡，她說：「上面啲門路你唔係好熟，好多 嘢要搵人搭路！」
想做黎明第二
去年 6月霆鋒在大馬拍《逆戰》時正值與栢芝搞離婚，但並未影響心情，所有跳樓、埋身肉搏等危險戲份他都自己上陣，認真是血汗錢。
其實霆鋒以往拍親戲都打生打死搏到盡，經常搞到斷手甩骹周身傷，下月便 32歲的他，私底下曾向好友透露在未來兩年，會淡出幕前，退居幕後做老闆。知情者說：「霆鋒有講過想好似黎明繑埋手做老闆。佢 哋之前拍過《十月圍城》，霆鋒都有問 Leon（黎明） 啲生意經。」據知，霆鋒今次打算開戲做老闆，全因眼見自己的後期製作公司已站穩陣腳，若拍戲做埋後期製作，一條龍咁做，可肥水不流別人田。
自成立「 PO朝霆」製作公司後，霆鋒搖身變成 CEO，其公司更愈做愈大，每年有 8千萬盈利。他亦投資有道，買樓買舖有賺無蝕，手上物業全部升值。加上他是電影商至愛，片酬企硬 1200萬，年半埋單計，其身家保守估計已逾 8億。所以要擲一億搞電影，應該唔成問題。
没有评论:
发表评论