蘋機會：三招免駁線 隔空聽歌
10,133
香港地，要享受音樂最困難之一，係安排喇叭佈局，留空位置後，還要煩惱喇叭線走位，實在係浩瀚工程！其實，腦界已有唔少無線方案，可以無拘無束地將音樂傳送到喇叭，聽歌其實一啲都唔難！
記者：許福合
攝影：蔡家輝、潘志恆
Model: Debby@PureModels
場地提供： Echoboomer（ The One商場八樓）
■在同一個網絡下， iOS
裝置能選擇以 Apple TV
播放音樂。① AirPlay接收 Wi-Fi遙控
用得 iPhone，就不能不認識一下 AirPlay，在相同的區域網絡下，能經過 Wi-Fi將最多10個支援 AirPlay的裝置互聯。現時有部份 AV擴音機已內置 AirPlay功能，不過最常用是透過 Apple推出的 Apple TV作為一個多媒體接收器。玩法簡單，只要透過任何已連上網絡的 iPhone/iPad、 Mac電腦，甚至 PC上的《 iTunes》，就能將音樂及影片無線發射到 Apple TV上，再經由 HDMI或 Optical輸出至揚聲器。最方便的是事前毋須進行配等動作，即駁即聽，而且因為在網絡下操作，不會出現傳統紅外線訊號般「被擋住」情況。
■使用 iPhoneAirPlay播放時，毋須使用 AppleTV的遙控。
■ Apple TV（$788/a） HDMI及 Optical輸出、 Wi-Fi距離100-300米■可經 HDMI及 Optical輸出音樂。
■接收到經 AirPlay傳送的音樂， Apple TV畫面左下角會顯示播放的音樂資料。
②藍芽喇叭 配對簡單
除了 AirPlay外，比較大路的無線喇叭主要以藍芽連線，接駁方法簡單，如筆者使用 iPhone，打開藍芽介面，見到喇叭型號出現，點選就可配對，立即有聲出！
手勢感應
睇到 Shoqbox咁堅嘅造型，都估到外殼有極強保護性，除基本防震，連倒瀉水都唔怕會滲漏，粗用絕無問題！最人性化係內置手勢感應功能，在機上左右揮吓手，便可跳選上或下一首歌；拍下部機就係播放同暫停，勁方便！講到音色，唔好睇少佢機仔細細，兩個4W單元共可輸出8W，筆者在九龍公園試聽，地方開揚聲音都好夠力水，似開演唱會咁正！
■ Philips Shoqbox（$1,799/b）8W輸出、藍芽十米傳輸、播放八小時（內置電）
免提喇叭
當用手機經藍芽接駁至 i24Go聽歌，可暫時將手機放埋一邊，事關有來電時，可直接將 i24Go當做免提通話器，按下機頂接聽鍵，就可接通來電，同時亦可透過內置咪講電話。
■ EOps i24Go（$599/b）6W輸出、藍芽十米傳輸、播放六小時（內置電）
■可經 USB叉電，使用上相當方便。
■ PhilipsSBT75（$599/b）4W輸出、藍芽十米傳輸、播放五小時（內置電）
簡單聽歌
想簡簡單單聽歌，就可以揀這款 SBT75，係一款純聽歌的喇叭，使用 wOOx技術，低音效果會比同級喇叭實淨，總輸出功率為4W。除藍芽連接外，還設有 Aux-in可接駁其他音響裝置。
③加藍芽 有線變無線
在家中拎住部平板電腦，除了用耳機外，想用喇叭少不免有要受喇叭線束縛，最近見到 Krator BT1000亦幫到手，外形似 USB手指，駁上喇叭後，就可經手機或平板以藍芽傳歌，喇叭位置不再被訊號線局限，經常調位試聲都無問題。要留意經 USB取電，配番個 USB式火牛會較方便啲。
查詢
（ a） Apple（800908988）
（ b） Winner Concept（24071118）
■在同一個網絡下， iOS
■使用 iPhoneAirPlay播放時，毋須使用 AppleTV的遙控。
■可經 HDMI及 Optical輸出音樂。 
■接收到經 AirPlay傳送的音樂， Apple TV畫面左下角會顯示播放的音樂資料。 
■ Philips Shoqbox（$1,799/b）8W輸出、藍芽十米傳輸、播放八小時（內置電） 
■ EOps i24Go（$599/b）6W輸出、藍芽十米傳輸、播放六小時（內置電） 
■可經 USB叉電，使用上相當方便。 
■ PhilipsSBT75（$599/b）4W輸出、藍芽十米傳輸、播放五小時（內置電） 
■ Krator BT1000不連喇叭（$269/b） 
没有评论:
发表评论