只是过客: 蘋果日報- 陳倩揚細車換大車　唔驚俾人蝦

2012年9月12日星期三

蘋果日報- 陳倩揚細車換大車　唔驚俾人蝦

■為了兒子，Skye對Hybrid車產生興趣。

為仔揀混能近年人人講環保，車廠都致力生產不少環保車！要環保，除電動車外，另一選擇就是油電混合車。Skye說，身邊不少朋友開始轉駕較環保的Hybrid車，她亦開始對這類車產生興趣，始終每日駕駛近百公里的她，耗油量及是否環保絕對是最大考慮。

熱愛駕駛的Skye，持有車牌已多年，對慳油細車情有獨鍾，主要貪細車睇位、操控容易，所以一直都以細車代步。幾年前購入限量版銀底粉紅色的本田Jazz，即使婚後依然每天駕車上班。但人越大，品味也開始改變，自從誕下兒子後，更希望為下一代締造一個美好環境，所以想乘機換環保車，大型SUV更成換車首選，嬌滴滴的Skye睇中剛在四月轉款的Lexus RX450h。「以前我好鍾意細車，但發覺在公路上成日被人蝦，啲大車成日專登蝦我，起初還以為淨係蝦女仔，但發覺連我老公揸都係咁，原來啲人唔係蝦人，係蝦車！加上我個仔開始日漸長大，平時帶埋工人去街都唔夠坐，所以想換一部大車，但先決條件一定要環保。」

■Skye駕駛SUV，絕無被「蝦」感覺。

■豪華中控台，配多功能按鈕真皮軚環。

■同級車極少有的特大天幕。

■豪華內櫳令家人坐得舒適。

■門板亦同樣配有豪華的桃木裝飾。

■8吋倒後顯示相當清晰。

■採用流行的LED日光燈。

過線話咁快就過

試車當日，Skye由西九海濱長廊起步，直上三號幹線，到青葵公路後掉頭返起點，車程近30公里，這段路可測試一部SUV的動力表現。完成試車後，Skye對RX450h第一個感覺就係「真皮味逼人！」還大讚車櫳豪華、座椅舒服，電動駕駛席亦可調校到適合自己身形。「行車時好靜、引擎及馬達轉換時沒有影響動力，爆炸力相當高，揸落去好有手感，即使100km/h行車，感覺好穩陣，過線話咁快就過。」此外，她最鍾意此車配有雨點感應器同玻璃天幕，感覺猶如開篷車！Skye對這部SUV讚不絕口，除改變過往的直條水箱柵欄外，更加上LED日光燈，車身較更流線型，霸氣十足。內櫳比上一代進步，中央顯示屏可顯示冷氣、導航及後泊顯示等資料，投射顯示屏則提供如時速、音響、溫度及藍芽配接的資訊。

雖然Skye仍未決定換哪一款SUV，但這次試駕後已被RX450h吸引，而且「住喺新界，每日駕長途車返去電視城，來回近百公里，相當重皮！據廠方資料，以油價$17/L計算，大概每公里約$1.1，比我的Jazz更省油！又夠大架，喺公路上一定唔會被人蝦，正合我心意！」Skye打趣說，會考慮叫老公送給自己。