直巴司機飛車玩手機寸乘客 「我使唔使同你寫報告」
兩部電話打孖玩 司機技術勁高超
【本報訊】一名粵港直通巴士司機，中秋節駕駛旅巴接載30多名乘客由香港往開平，途經深圳高速公路時，竟邊揸車邊拿出兩部手機「send短訊及玩微信」，旅巴時速逾70公里險撞石壆，乘客發現大叫：「專心啲揸車」，司機反唇相稽：「我玩電話使唔使同你寫報告？」乘客歷經驚險四小時抵埗。有人將其玩電話過程拍下向公司投訴。記者：黎文達 孫文瑛
乘客林先生憶述，上月30日早上8時30分，他與家人在太子登上環島旅運跨境直通巴士返回開平。該公司另一部直巴今年清明節在海豐失事，一死多傷。
林當日坐在左邊前排，剛好對正司機位置，至9時許，旅巴途至深圳的高速公路時即上演驚險一幕，他發現身穿白色恤衫、戴上眼鏡的司機，並無戴安全帶，當時旅巴以時速逾70公里行車。其間，手機充電線跌下，司機一手扶着軚盤，彎身執起，坐正後即以手背枕着軚盤，先為電話充電，再拿出另一部電話，不斷輪流把玩兩部電話。
幾乎撞及路中石壆
有坐前排女乘客不值其所為暗罵：「未見過啲司機咁衰，攞部電話玩嚟玩去！」但司機裝作聽不到，未有理會，並用其中一部Galaxy Note的人面辨識解鎖功能，開啟手機並繼續傾電話，因他專注望着電話屏幕達數秒，旅巴幾乎撞及路中石壆，坐在後排其他乘客驚悉事件，嚇得不敢入睡，直斥司機不是：「唔該唔好玩電話啦，專心啲揸車！」司機反駁：「我玩電話使唔使同你寫報告？」林先生指出，司機見有乘客舉機拍攝，遂減慢車速，但仍不斷玩電話「send短訊同玩微信」，林用手機拍下司機「邊揸車邊玩電話」劣行，影片分四段，共長17分鐘，當中有15分鐘拍到司機「玩電話」。旅巴最終安全抵達開平，車上各人均抹一額汗。林前日下午返港後，即將拍下的「罪證」交給票務處職員觀看，惟對方記錄他資料後，並無回應事件。
《蘋果》昨向環島旅運所屬的冠忠巴士集團有限公司、行政總裁兼董事長黃良柏查詢，黃表示會徹查事件，強調公司不容許司機作出違例行為。而環島旅運客戶服務主管劉先生亦指，如證實有司機違例，將作出懲處。
乘客反應
乘客林小姐表示，如遇司機玩手機會叫他：「專心揸車啦！」
乘客陳女士認為司機駕車時玩電話會分神及危害全車人安全。
上一則: 頭目設靈 大佬晒馬 數百古惑仔紅磡橫行
没有评论:
发表评论