西環集中營： 鬍鬚曾去留 唔到CY話事 - 季陶
財政司司長曾俊華的「中產論」遭猛烈批評，但想不到連一眾梁粉也落井下石，批評曾的財政預算案不利梁振英施政、未有兌現梁的選舉承諾、甚至有梁粉再放出「兩年半換財政司司長」之說。有政界人士指出，先不要說鬍鬚曾留任做財爺，只是畀面阿爺，就算北京對梁的態度，只是「支持梁振英施政」，但不代表梁可以隨便為他的管治班子換人。
據知早前鬍鬚曾諮詢財政預算案時，有政界人士半開玩笑問他，有否想過再上一層樓做特首，鬍鬚曾即說做完今個任期，相信是退休的時候，言論間更暗示有「自知之明」，「佢（曾俊華）好明白，北京係唔會畀佢做特首」。所以鬍鬚曾只係望在今個任期內「搞番好盤數」，「唔只係盈餘咁簡單，係要搞番好個財政紀律，唔使好景時又派錢，唔好景時又派錢，預算案變成例牌要大派金錢」。但鬍鬚曾亦明白政治現實，不可一下子改變這個情況，「所以派開照派，但係金額慢慢減；新嘅一次性措施就唔再做」。
保守理財 阿爺滿意
不過要搞好財政紀律，即是不會大加開支，對那些支持梁以派錢增民望的梁粉而言，自然不滿意，所以才會開炮轟鬍鬚曾為梁振英「倒米」。但另一知情政界人士指，北京對鬍鬚曾保守理財做法是肯定的，亦對他過去大半年，為防樓價上升引發金融系統風險，提出連串措施表示滿意，阿爺不會讓鬍鬚曾「中途落車」，「就算梁粉幾唔滿意阿John都好，去留其實唔到梁振英話事」。
季陶
没有评论:
发表评论