「國際先驅論壇報」記者報導香港特區政府明令政府宴會飯局不吃魚翅時，講到係環保人士之勝利，又寫到全球捕殺鯊魚皆是為了滿足華人食魚翅需求，漁民捕鯊之後，斬掉魚鰭，就將鯊魚拋落去，手段殘忍。呢位美國記者都幾無知，世界漁民捕鯊只是為了華人胃口？大笑話也，但笑唔出，因為即使係「紐約時報」集團嘅記者，也可如此知識狹窄，不求甚解，誤導讀者，幾令人沮喪。
海產L呢幾年來在國際參加海產會議、鯊魚會議，不知多少次被人問及捕鯊斬鰭棄置一事，令佢十分氣憤。在「中國鯊魚產業報告」一書中，第17頁談及鯊魚產品形式，有FAO（聯合國農業組織）收錄嘅25項條目，主要為整條凍鯊魚、冰鮮鯊魚肉、乾製魚肉、醃製魚肉、熏製魚肉、鯊魚鰭（魚翅）、鯊魚肝油及其他，絕對並非只是魚翅一種。其實一條鯊魚，西班牙人、印尼人、美國人捕捉，絕對不是為了滿足華人的單一需求，啲魚片、魚肉、魚排其實係西方人（特別係基層人民）嘅食物，在2009年，法國、美國、意大利、英國、比利時、紐西蘭、丹麥、葡萄牙、西班牙與荷蘭十個國家佔全球角鯊和貓鯊類產品貿易之85%，呢啲歐洲國家嘅人民吃鯊魚歷史有一千七百年歷史，唔通佢地捉咗鯊魚吃魚肉就得，將吃剩之魚鰭以高價賣俾中國華人做魚翅就唔得？西方人吃鯊魚肉不殘忍，華人吃鯊魚鰭就係野蠻、不文明？海產L每講到這一點，就會聲都震晒，一啲西化環保人士，記住到英國旅行，唔好食炸魚條呀（fish n chips），因為英國人就係用鯊魚肉做炸魚材料嘅，德國人就鍾意熏製鯊魚肉作為美食。鯊魚肝油、鯊魚軟骨素已成為流行保健食品，美國發展咗新技術製造鯊魚皮手袋，由此可見，漁民捕捉到一條鯊魚，成條魚皆為有價值產品，可以賣錢，單憑呢點咁簡單嘅經濟理由，專業漁民邊會咁笨斬去魚鰭之後就丟棄條魚落海吖，佢地出海捕魚，為咗錢箒，點解要丟錢落大海？
管制濫捕鯊魚，聯合國早已有之，海產L話據佢多次出席聯合國海產會議嘅見聞，違背聯合國保護珍貴鯊魚種類嘅捕捉行為屬於好少數，絕大部份捕魚國及漁民皆遵守國際協議，華人買到，吃到嘅魚翅，係合乎國際規範嘅！
发自我的 iPad
没有评论:
发表评论