IQ考考笑
古天樂出題：咩馬係黑色?
（猜一名人）
媽咪姐睇完《掃毒》，覺得古仔真係好正，簡直演活咗一個卧底探員，拍住家輝同青雲兩大影帝一啲都唔失威，希望有機會問鼎獎項啦！
今期一於唔執輸，食住個勢，搵嚟古仔出條好簡單嘅題益吓大家。其實佢都可以好 funny㗎噃！
- IQ考考笑-古天樂出題：咩馬係黑色?
王菀之唔知講乜好！
真係物以類聚， Ivana同軒仔呢 pair過氣緋聞情侶兼老死果然心有靈犀，原來大家都係 IQ高手。「可唔可以出啲問題真係考到我呢？」
張敬軒乜唔係啡色嘅咩？
近排忙緊綵排巡迴演唱會嘅軒仔，聽到有得估 IQ題，即刻靈光一閃，唔使一秒就估到，快過打針。「不過乜唔係啡色嘅咩？是但啦！你話黑色就黑色。」
盧海鵬會唔會係草泥馬？
鵬哥人老心精，你睇佢啲金句就知啦！佢一嚟就表現淡定有錢剩：「一定係草泥馬……小馬哥……喂！唔好蝦老人家喎！」邊敢蝦你呀鵬哥，陣間你同媽咪姐「試咪」咪弊？
蔚雨芯呢隻馬好出名?！
有份拍《金雞 SSS》嘅 Rainky一啲都唔蠢，輕輕攞過 tips，唔使幾秒就答中。「呢隻馬太出名，唔可以唔識。」
詩雅斑馬唔係黑色？
年輕人心思縝密，詩雅攞完 tips之後好快就估到，仲猛話：「我可唔可以考番古仔呀？」好，下次先！答案：
奧巴馬
没有评论:
发表评论